Ego Ulricus de Luestnich lego et ordino capitulo ecclesiae Ardacensis feodum meum in Auffuernsberg, quod servit VI solidos denariorum in die sancti Egidii. Item servit LX denarios in nativitate domini et colonus accedens dat XXX denarios et recedens dat XXX denarios, et si moritur ibi colonus, vidua vel parvi dant LX denarios et nihil aliud. Item lego et ordino eidem ecclesiae feodum meum, quod dicitur in Irmgartode, pro eodem modo tantundem servit et per omnia gaudet iure praedicto. Item lego et ordino eidem ecclesiae curiam meam in Hertweigsberg, quae servit in die sancti Egidii I libram et in die nativitatis domini I libram et in die sancti Georii I libram et in aliis per omnia gaudet iure supradicto. Item quidam ibidem servit de agris XII denarios nomine purchrecht in die s. Georii. Et haec omnia lego et ordino eidem ecclesiae sub huiusmodi conditionibus. ut per totum annum omni sexta feria celebretur missa tonaliter pro defunctis et de servitio supra dicto offerantur quatuor denarii eandem missam celebranti et XX denarii dividantur inter canonicos, qui praesentes interfuerint missae praedictae, et si forte, quod absit, canonici ab hujusmodi servitio divino cessaverint negligentes, tunc praepositus, qui pro tempore fuerit, habebit auctoritatem de possessionibus supradictis pro velle suo aliud remedium ordinare, et quidquid lucri de possessionibus praedictis evenerit extraordinarie per institutiones vel destitutiones vel per emendas in iudicio vel extra iudicium, hoc cedet medium praeposito, inedium canonicis. Et ut haec huiusmodi ordinatio vel testamentum inconuulsum perpetuo conservetur, praesentem cedulam petivi consignari sigilli Chunradi venerabilis praepositi Ardacensis et sigillo ejusdem capituli apposui in testamentum verum etiam sigillum meum. Acta sunt haec in Ardaker anno incarnationis M. CCC. XV. in die sanctae Caeciliae.

Source Fulltext: FRIESS, Ardagger (AÖG 46, 1871) S. 496-497