Wir Albrecht von gotes gnaden, herzog ze Oesterreich, ze Steier, ze Kernden vnd ze Krain graue ze Tyrol etc. embieten vnsern getrewn allen unsern mawttern, richtern, burgern vnd andern vnsern ambtleuten vnd vndertanen, den diser brief wirdt geczaigt, vnser gnad vnd alles gut. Wir emphelhen ew ernstleich vnd wellen, daz ir die leut gemainicleich zu Ardakcher mit holcz vnd stekchen auf der Tunaw herab nach iren notdurfften arbaitten lasset, als das von alter her komen ist vnd in daran dhain irrung, newung noch hindernuzz nicht tut oder das wer wider vns. Geben ze Wien an mittichen nach sant Agnesentag anno millesimo quadringentesimo quinto decimo.

Source Fulltext: FRIESS, Ardagger (AÖG 46, 1871) S. 529-530