Страш`наго цара благаιа мати, царице прѣславнаιа и владычице мироу, дѣво Богородице, цара бо |2| вь истиноу страшнаго вьсемоу мироу родила ѥси, ѥгоже трепештоуть и тре|3|соут` се всачьскаιа видимаа же и невидимаιа и хвалоу ѥмоу приносеть ιако тво|4|р`цоу и владыцѣ в`сѣхь, страш`номоу паче царьь земльныихь, дрьжештоумоу ѡбла|5|стию вса видимаа и невидимаιа, небеснаιа же и земльнаιа, им`же цариѥ царствоують |6| и сил`ны ѡбладають землѥю,<sup>a)</sup> ѡтьѥмлюштомоу доухы кнеземь<sup>b)</sup> и всѣмь чловѣкомь, |7| кон`ць живота оуставльша. Вь Троици славимь вь трисиιан`нѣмь Божьствѣ, |8| рождены прѣжде вѣкь ѡт Отьца и пакы вь послѣд`наιа лѣта нашего ради спасениιа сь|9|шьдь сь небесе и вьпльтивы се вь прѣчистоую Дѣвоу, юже ѡбрѣте село простран`ное и гороу |10| прѣсѣн`ноую и полатоу прѣславноую и сь чловѣкы поживе ιако чловѣкь и нась и|11|з`бавль ѡт грѣховь прьваго прѣстоуплѥниιа прадѣда нашего и ѡбновиль прѣчистымь |12| своимь крьштениѥмь, царьство небесноѥ ѡбешта и раискоѥ насалждениѥ. И вса сьврь|13|шивь божьствьнаιа, на небеса вьзиде ѡттоуд сниде и пакы рекы ѡжидати ѥго вьто|14|раго и страш`наго пришьствиιа ѥго, хотештаго снити и соудити живимь и мрь|15|твымь и вьздати комоуждо по дѣломь ѥго,^c) ѡставль намь прѣчистоую свою матерь |16| помоштницоу и застоупницоу и прибѣжиште и покровь крѣп`ки.||
Нѥиже и |17| азь грѣшны и недостоины нарешти се рабь Христоу Стефань краль Оурошь трети по милости |18| благаго чловѣколюб`ца владыкы Христа, Богомь помилованы краль всѣхь срьп`скыхь и помо|19|р`скыихь земль и сь вьзлюблѥнымь моимь сыномь, младымь кралѥмь Стефаномь, |20| припадаѥ и молю се из гльбины срдьчьныѥ, вѣди испрьва застоупницоу и храните|21|л`ныцоу живота моѥго, юже положихь надеждоу и помоштницоу доуши и тѣлоу мо|22|ѥмоу ѡть юности моѥе, ιаже из`бави ме прѣчистыми своими молитвами ѡт великыихь |23| и ноуждьныхь бѣдь и напасти лютыхь ιаже ми слоучише се вь жити семь грѣхь ради |24| моихь и завистию льстиваго диιавола и злыихь и доброу ненавистнихь чловѣкь, иже |25| не трьпеште зрети великаго милосрьдиιа Божиιа и добраго житиιа моѥго и неизречен`ные |26| любве ѡтьчьскыѥ родителιа кралѥвьства ми юже имѣιаше кь мнѣ. Злымь и не|27|подобнимь свѣтомь наведоше ѥго на дѣло страшно и неподобно, ιако неоудобь чловѣкоу |28| вь оумь вьсприѥти ни оушима слышати: свѣта ѡчию моѥю лишити ме и вь |29| Костан`тинь град вьдати ме вь заточениѥ и сь чеды моими прѣдати ме дрьжати |30| вь роуцѣ цара грьч`скаго кур Андроника, рекше ιако не ιавити ми се по семь име|31|ни моѥмоу на земли ни чедомь моимь, не разоумѣв`ше ни поменоувше, ѡкаа|32|н`ны, прѣкраснаго Иѡсифа завистию братиѥю продана, исходатаившихь ѥмоу |33| царьство надь всѣмь Ѥгуптомь, ни поменоувше милосрьдиιа и правосоудиιа Божиιа |34| ιаже ѡ мнѣ хоштеть сьдѣлати за неповин`ноѥ моѥ ѡсоуждениѥ и поыбѣль, |35| иже праведникы любе и грѣшникы милоуѥ и молитвы матерьнѥ приѥть дьнь |36| и ношть молешти се ѥи ѡ нась. Истрьже ме ιако ѡт самѣхь врать сьмрьтонос`наго ада, |37| свѣтомь божьствьнымь ѡблиставь изведь и посади ме на прѣстолѣ светыхь родите|38|ль кралѥвьства ми и постави ме ιако цара и владыкоу и кнеза всемоу стежанию родителιа |39| кралѥвьства ми владати и кралѥвствовати вь ѡтьчьстви моѥмь и сь прѣвьзлюблѥнымь сыномь |40| моимь, младимь кралѥмь Стефаномь, ιакоже не оутаило се ѥсть прѣславноѥ и дивноѥ |41| божьствьноѥ сиѥ дѣло царемь ѡкрьстьнымь и всеи вьселѥнѣи. ||
Азь же грѣшны все|42|гда диве се ѡ толицѣ Божии дарѣ, мысле доушею и тѣломь и всѣмь оумомь дьнь |43| и ношть что вьздати Господеви Богоу моѥмоу и прѣчистѣи ѥго Матери недооумѣю се, тькмо |44| благодарениѥ и славоу вьсилати ѥмоу и до послѣднιаго моѥго издыханиιа, светыими |45| црьквами пешти се и недостатьчна вь нихь испльнити и сьврьшити ιаже не дости|46|гоше сьврьшити светы родителиѥ кралѥвьства ми. И ѡт мамоны неправеднаго богат`ства сь|47|бранаго грѣхми моими ѡбѣштахь се понѣ малоу нѣкоую честь вьздаιати братиιамь |48| Божиимь оубогымь присѣдештимь на распоутиιахь и прѣдь врати двора моѥго и ну|49|дештихь всѣхь коупити царьство небесноѥ. И пакы вь оумь вьсприѥмь страш`ны и неиспо|50|вѣдими чась сьмрьтьны, ιако вси цариѥ пророци же и апостолы и светителиѥ сьмрьтию сконча|51|ше се, ничесоже не ѡтнесоше ѡт сего мира тькмо дѣла своιа добраιа же и злаιа и вси вь |52| гробь заидоше ιако не рождьше се, всоу мою надеждоу вьзложивь кь прѣчистѣи Богородици богоматери |53| и чюдотворици ιаже вь ѥпископии призрѣн`скои на Лѣвиши сьздани и пописани родителѥмь |54| кралѥвьства ми. Вса што си ѥ имала светаιа црькви придан`на и оутврьждена хроусоволи ѡть вѣка |55| дрѣвными цари и родители и прародители кралѥвьства ми, вь селѣхь и вь людехь и вь планинахь |56| и вь рибнихь ловиштихь и вь иныхь правдахь црьковныхь, не разорихь ни ѥдиноѥ чьрте, нь паче |57| потврьдихь и покрѣпихь и придахь прьвы дарь. ||
Село Хочю близь Лоуке што соу дрьжа|58|ли прониιариѥ и сь людми села того и сь намѣстиιами ихь и сь всѣми мегιами ιако|59|же ѥсть и ѡт испрьва было и сь виногради и с нивиѥемь, все што ѥсть тежано или нетежа|60|но, да сиѥ има светаιа црькви ιако и ина села црьковна свободно и никимь неврѣдно. |61| И више тога села оу Градчаници на долѣ изнесе хрисовоуль всеѡсвештен`ны ѥпископь при|62|зрѣнскы Ар`сениѥ родителιа кралѥвьства ми и видѣ кралѥвьство ми ѥре ѥ ѡна землιа црьковна, |63| а ѡтоузета оу забѣль кралѥвьства ми и того ради повелѣ кралѥвьство ми да си постави оулиιани|64|кь светаιа црькви да ѥсть оу помень кралѥвьства ми и сыноу кралѥвьства ми младомоу кралю. И ѥште |65| приложи кралѥвьство ми село Немышлѥ да ѥсть заѥдно с Лоутовицомь, а мега моу како |66| си ѥсть имало ѡт испрьва. И гор`ны градь Коула, вь нѥм`же ѥсть црькви Светаго Николы, ка|67|ко га ѥ даль црькви родитель кралѥвьства ми, такози да си га има светаιа црькви вь сьхра|68|нѥниѥ рызнице црьковне, книжиιа и сьсоудьь и все што ѥсть вьноутрь светыѥ црькве, |69| вь дьнь напасти да ѥсть прибѣжиште светѣи црькви. И село выше града Повил`ско да си ѥсть |70| подь црьквь Светаго Николи, а все подь ѡбласть Светыѥ Богородице призрѣнскыѥ и да си га блю|71|де ѥпископь сь своими людми. Село Бѣлакѥвць на Дриници што прида кралѥвьство ми светѣи |72| црькви прѣпоутиιа ради и сь оулиιаникомь и оулиιара Ивана и брата моу Мил`ка и по то|73|мь колико си может населити светаιа црькви да си населить люди, или црьковныхь или свобо|74|дныхь, оу всакоу свободоу ѡт всѣхь работь кралѥвьства ми малихь и великыхь, а мега моу коудѣ ѥ |75| оутесаль Владоѥ теп`чи оу родителιа кралѥвьства ми с Коумановомь. А ѡт Слатине изгоре |76| ѡт забѣла кралѥвьства ми пашиште добит`комь, или се жирь ѡбрѣта и колико ѥ оузмо|77|ж`но людемь црьковнымь да си чине лазе и все што ѥ к`то чиниль лазе на нихь земли да |78| сиѥ има светаιа црькви ιако и ино нивиѥ црьковно. Оу Гор`нѥмь Полозѣ цркьвь Светыю |79| Врачю оу Поточахь, што ѥсть придаль родитель кралѥвьства ми и с виногради и с нивиѥмь и с коу|80|плѥницами и задоушнинами и з дворани. И стась поповска оу Гюр`гѥвиштихь и с люд|81|ми кои сѣде на нѥи, што ѥсть придаль родитель кралѥвьства ми сь архиѥпископомь Савомь и сь |82| архиѥпископомь светымь Никодимомь, да соу црьковны и да работаю црькви што имь ѥ законь. |83| А ѡт всѣх работь прониιарскыхь да соу свободни како соу и ѡт испрьва били. И тако |84| и оу Долнѥмь Полозѣ оу Лѣшцѣ цркьвь Светыѥ Богородице и при нѥи три стаси поповске што се |85| зове дворь пископовь ѡть вѣка, да ѥсть свободно ѡт всѣхь работь кралѥвьства ми и поданькь, како ѥ |86| и ѡть испрьва было. И оу Трѣбоши при црькви Светыѥ Богородице при Трьхалѣ нивиѥ црьковно |87| што ѥ было ѡт вѣка. И оузели ѥсоу были Положани и изнашьль ѥ родитель кралѥвьства ми |88| сь ѥпископомь Дамиιаномь и сь ѥпископомь Илиѡмь и ѡтѥль ѡт Жегра и коуште моу по|89|палиль. И пакь посла кралѥвьство ми деспота Драгослава сь ѥпископомь Арсениѥмь да ихь изна|90|дю, да си ѥ има света црькви како ѥ испрьва было. И оучинили бѣхоу Которане |91| коуштоу воштаноу на трьжишти на црьковномь мѣстѣ и да ю кралѥвьство ми црькви да си ю |92| има светаа црькви до вѣкы, а настоѥшти светитель да си ю да комоу си люби. Ако ли што кто |93| оудрьжи да плати .ф. перперь, а ин`де да се не цѣди воскь, ни да се постави дроуга |94| коушта оу всѣмь градѣ. И да кралѥвьство ми ѡт доходькь кралѥвьства ми соли .н. споудовь оу Светаго |95| Срьгιа, да си оузима светаа црьквы на свако годиште до вѣка. И поставих панагюрь |96| да се сьбира месеца сектембра .и. дьнь на Рождьство светыѥ Богородице; и ѡт того […] |97| кан`дило неоусипно прѣдь чюдотвор`нымь ѡбразомь прѣчистыѥ, вь помень [… доу] |98| моимь до вѣка. И на си панагюрь да греде всакы, или ѥ Грькь или ѥ Латининь, |99| или ѥ кто любо. Да се никто не задѣне за нѥго, ако ѥ комоу и велицѣмь дльгомь дль|100|жнь, да си всакы трьговавь походить свободно. Кто ли хоште комоу забавити |101| или бои вьздвигнеть, да плати кралѥвьствоу ми петь сьть перперь. А кто похи|102|ти мьчь или ножь, да плати кралѥвьствоу ми враждоу. И ѥште приложи кралѥвьство ми црьквь Светого |103| Симеѡна оу Мьшоутиштихь с людми и с винограды и сь млины и сь намѣстиιами |104| люди тѣхь, з`баштинами и с коупеницами. И кьди гредохь изь Зете, дахь светѣи црькви |105| оулиιаникь кралѥвьства ми кои ѥ стоιаль оу Жоурѣхь и сь оулиιаремь. И оуказахь самь |106| ѥпископоу селиште да га постави междоу Доброуштемь и междоу Милопоусти, да си га има |107| светаιа црьквы како и ина села црьковна оу помень кралѥвьства ми и сыноу ми кралѥвьства ми |108| младомоу кралю. И [што ѥ придало кралѥ]вьство ми, или родитель кралѥвьства ми, людиѥ кои се |109| соу прѣгѥ разьшли да се повракιаю свакы на своѥ мѣсто, а никто да их не подрьжить, |110| ни властелинь, ни и[на црьквь, ни само кралѥвьство ми]. И проси ме [ѥпископь призрѣн]скы |111| Арсениѥ да моу сьѥдиню землю влахомь на Блатци што дрьже люди [кралѥвьства ми. И не] |112| дах моу, нь придахь всь забѣль кралѥвьства ми оу Чрьнѡчи да си га приѥдини к село|113|мь црьковнимь, да си посади на нѥмь влахе црьковне и кога си люби ѡт црьковныих |114| люди и да си ѥ црьковно ιако и ина села црьковна, а землю црьковноу што соу дрьжали вла|115|си на Блатци не оузе кралѥвьство ми себѣ оу замѣноу. И ѥште прида кралѥвьство ми селиште |116| Поустомоулчю, да си ѥ насели црьквь и да си ѥ приложи кь Ѡполию. А мега моу |117| до хрысовоула богородичина до локве и ѡт локве низ брьдо долоу оу Велию рѣкоу |118| ѡпольскоу и низь рѣкоу долоу како оупада потокь Зрьзев`скы оу Велию рѣкоу |119| и прѣзь потокь Зрьзев`скы на брьдо како се ками вали оу потокь Зрьзев`скы. А Зрь|120|зевомь како си ѥ имало мегѥ и прѣжде. ||
Сиѥ же все принесеноѥ мною грѣ|121|ш`нымь, аште и ѡт многыхь малаιа приношоу ти владичыце, прими милостию твоѥю |122| и донеси ѥ Сыноу своѥмоу [и Богоу на]шемоу вь дарь и вь доброую паметь, мнѣ же и вь|123|злюблѥномоу сыноу [моѥмоу] младомоу кралю Стефаноу, понѥже доуша ѥдина вь двою |124| тѣлеси наю ѥсть и ѥдинь ѡбьшть дарь твоιа ѡт твоихь принесоховѣ ти, тебѣ прѣдла|125|гаюшта помошт`ницоу и пороучницоу наю спасениιа и исправлѥниιа [...] |126| [...кы] оулоучити желаѥмыихь и вѣчныхь благь сь светыми родители и прародители кралѥвьства ми. |127| И сиιа вса оутврьждена и записана вь хрисовоули семь да соуть оу всакои свободѣ ѡт вса|128|кого насилиιа и ѡт всѣхь работь малыхь и великыихь и ѡт всѣх поданькь гредоуштихь по |129| земли нашеи, ιако си ѥ ѡт испрьва была свободна светаιа црькви сиιа. Молю же и по |130| нась хотештихь быти ихже избереть Богь, или сына кралѥвьства ми или иного ѡт рода кралѥвьства ми, |131| или соудомь Божиѥмь ѡт иного рода боудеть, не разорити ни ѡтнети что ѡт сихь при|132|даныхь мною, ιако и азь не разорихь ни ѡтнехь ничесоже оутврьжденыхь светими роди|133|тели кралѥвьства ми светымь црьквамь, нь паче потврьдихь и покрѣпихь. Кто ли се по|134|тьштить разорити или ѡтнети что ѡт сихь приложеныхь мною светѣи црькви, кто |135| годѣ боудеть, таковаго да разорить Господь Богь и паметь ѥго ѡт землиѥ и ѡт книгь живо[тнихь] |136| да [бри]сань боудеть и вь мѣсто ѡбыч`ннѥ твоѥ помошти и застоуплѥни[ιа твоѥго] |137| разорителницоу и соупьрницоу да ѡбрѣштеть те на страш`нѣмь соудишти Сына |138| [твоѥго] и Бога нашего [и да га поразить] сила чьстнаго и животворештаго крьста [и ѡт всѣх |139| свет]ихь и пра[веднихь да ѥсть проклеть и да ѥ причтень |140| [кь Юдѣ] и рекшимь: „Крьвь [ѥго на нась и на] |141| чедѣхь нашихь“^d) […] и ѡт богодарованнаго ми вѣнца [да боудеть проклеть |142| и завезань. Аминь.] ||
|143| [Стефань] Оурошь краль и сь Богомь самодрьж`ць всѣхь српски[хь земль и поморьскихь]

Source Fulltext: S. Misic, Hrisovulja kralja Stefana Urosa III Prizrenskoj episkopiji, SSA 8 (2009) 12-19.