Благоразоумно и вьсеподателно вьсакаго царьска словесе Господемь нашимь Ісоусомь Христомь, иже ѡть небьитїа вь бьıтїе сьтворивь вьса и чловѣчьское естьство паче вьсеѥ твари почьть, нетькмо же ѡбладати вьсею тварїю земнородньıхь даровавь емоу, нь и соуштьства своего примѣсивь, рекше разоумнїѥ вешти. Ѡть кала живьıхь ѡчеса сьдѣла и самовластио естьство чловѣчьское сьтвори. Любештимже его теплѣ и милостивнѣ соуштьства своего ѡтьчьство ѡвѣшта, желателно иштоуштимь сьиновство того невьзбранио даровавь и подражаюштимь волнїѥ его страсти, еже изволи за спасенїе наше, паче же и ѡбштинки сьтвори славнаго вьскрьсенїа своего веселїю, за егоже ради изволи ходатаицоу бьıти прѣчистоую владичицоу нашоу Богородицоу, застоупницоу нашоу и прѣдстателницоу и покровь тврьдьıи и поможенїе. Еѥ ради и азь надѣѥ се милость полоучити на страшнѣмь и нелицемѣрнемь соудишти Господа нашего Ісоуса Христа, идѣже аггельı сь страхомь прѣдстоѥть. ||
Того ради и азь, благовѣрньıи кнезь Лазарь, самодрьжьць вьсеѥ срьбскїе землѥ, потьштахь се малое приношенїе принести владичици моеи прѣсветѣи Богородици и сьздахь црьковь вь мѣстѣ рекомѣмь Ждрелѣ Браничевскомь и приложихь и оуправихь вьсакїими потрѣбами, елико доволно домоу пречистьıѥ Богородице: село Бистрица сь вьсѣми мегами и правинами, како исходи ѡть Чрьтежа низь поле на изворь Млеслѣховице и на састанкоу Бистрице и Ѡрѣховице и посрѣдѣ лоуга горами виновь чрьвени; и на рѣцѣ Извороу село Новаць; село Бистрице; село Ставници сь вьсѣми мегами; село Коварне и сь нимь Хлахольı; оу Вѣнчаници село Вошановаць на млави и Доунавоу Костолаць и Бискоупле сь Трьстѣникомь сь вьсѣми мегами и правинами; Вирь вьıше Пореча и Гребень; оу Звиждоу село Волоуıа и село Кроушевица; оу Хомолю село Ѡсаѡница и Долне Адоуево сь Киселевомь, граднїи поуть, Бланенкїевь лазь, Прокопь, Врьбовникь, Слатина, Головрьхь, ІАмникь, Мачкове падине; Доубь село на Млавѣ, ѡбои Маролѣвцьı сь вьсѣми мегами и правинами; Зьлчикь и сь Малковцима, Млава и прѣзь Млавоу лоугь на Кринчица, на ІАзвине Ѡрѣховь Ключь; село Ѡслница сь вьсѣми мегами, ѡть Кошарие сь Халдоуемь подѣлїемь и сь забрьдїемь, такожде дıѣломь на оустїе ѡтоки тоѥ, идѣже пристала оу Млавоу. ||
И сїе малое мое приношенїе домоу прѣчистьıѥ владичице нашеѥ Богородице. Молю вьсакаго, егоже Богь изволить по мнѣ господствовати, семоу моемоу маломоу приложенїю непотвореноу бьıти, но паче потврьжденоу. Кто ли сїа дрьзнеть разорити, или ѡтети ѡть вьıше писанихь, да разорить его Господь Богь и прѣчиста того Богомати и да е причтень Иодѣ и Арїи и тѣмь, иже рекоше: „Крьвь его на нась и на чедѣхь нашихь“^a) и да моу е соупарница Мати Божїа на страшнѣмь соудѣ. ||
Мѣсеца аѵгоуста :а:, вь лѣто :атп:. ||
Вь Христа Бога благовѣрньıи кнезь Лазарь

Source Fulltext: P. Safarik, Pamatky drevniho pisemnictvi Jihoslovanuv, Prag 1873, 103-105.