Wir graue Diethelm von Toggenburch¹ tu^egen kund allen den, die disen brief ansehent lesent oder || ho^erent lesen, das wir ansehen habin vnd ansehen dankber dienst vnd trúwe, die vns der frume || beschaiden man Johans von Meldegg² getan hat vnd noch getv^on mag, vnd darumb so tu^egen || wir im gnade vnd habin getan, das wir die vogtye ze No^echelon³ v´ber livt vnd v´ber gůt, div von vns lehen ist, im vnd Cristinen siner elichen wirtenn verlihen habin ze rehtem lehen, vnd wa^er och das, das es ze schulden ka^eme, das der selb Johans vnd sin wirtenn Cristine baidv´ sturbin, das got wende, vnd si tohteran liessin vnd nit sv´n, den solin wir die vorgenanten vogtye ze No^echelon mit allen rehten vnd gewonhaiten, die darzv^o geho^erent, lihin in allem dem reht, als si sv´ne wa^erin, vnd habin das getan willeklich durch die liebi, die wir zv^o dem vorgenanten Johansen habin. Vnd das dis war sie vnd sta^ett belibe, so habin wir vnser insigel gehenket an disen brief. Der geben ist ze Arbon⁴, do man zalt von Cristus geburt druzehenhundert jar, in dem ainem vnd drissigosten jar, an dem hailigen abende ze winna^eht.

Source Fulltext: Chartularium Sangallense VI, Nr. 3479, S. 133.