Wir Ludowig von gots genaden Romischer keyser ze allen ziten merer des richs enbú ||[ten]^a) den weysen lau^eten . . dem schulth(eis) . . dem rat vnd den burgern gemainchlich ze sand Gal||len vnsern lieben getrewen vnser huld vnd allez gůt. Wir lazzen iuch wizzen, daz wir dem || edlen mann Chunr. hertzogen ze Vrslingen¹ vnser gewonlich stiwer, die ir vns vnd dem rich ia^erlich schuldig seit ze geben, vmb ettwie vil gelts versetzet haben, als er des vnser brief hat². Wellen wir vnd gebieten ui vestichlich bei vnsern hulden, daz ir im die selben stiwer von dem iar hiur antwurtet vnd gebt vnuerzogenlich. Vnd swenn ir daz getan habt, so sagen wir iuch der selben iurer gewonlichen stiwer ledig vnd los mit disem brief. Ze vrchund dises briefes, der geben ist ze Munchen an sand Marteins tag, da man zalt von Kristus geburt driutzehenhundert iar, darnach in dem zwei vnd dreizzigistem iar, in dem achtzehenden iar vnsers richs vnd in dem funften des keysertums.

Source Fulltext: Chartularium Sangallense VI, Nr. 3501, S. 147-148.