In gottes namen amen. Wir Herman von gottes vnd des stůls gnaden ze Rome^a) besta^eter abt des gotzhus ze sant^b) Gallen¹ veriehen an disem brieue offenlich vnd kúnden allen den, die disen brief ansehent oder ho^erent lesen, das wir dur die || liebi vnd dur die bette | der burgerre vnd gemainlich ze sant^b) Gallen der stat mit willen v´nsers conuentes vnd mit dem rate der túrsten v´nsers gotzhus dienstmanne das alte^c) reht der selbun stat wider gemachet haben vnd ir dise hantveste dar v´ber || gegeben haben wider den hantvestinen, die ir zeiner allichen | brunst verbrunnen warent, da es von alter ane geschriben was vnd die ir von v´nserm gedigene vnd von kaisern^d) vnd von kúngen gegeben vnd gevestent^e) warent. Das selb reht das ist alsus geschaffen, || das alles das gůt, das inrunt den vier crútzen vnd von der obenendi der berge bi der | stat des inheldi ze tale lît, swele lúte das nu haben ald^f) iemer reht vnd redlich gewinnen ald von swem man es heige^g) oder reht vnd redelich^h) gewinne, das das in dem selben rehteⁱ⁾ stande als Kostentzer aigen an erbenne an verko^vffenne an versetzenne^k), âne das, das jenes aigen^l) vnd dis lehen ist, vnd âne das, ob ain ko^vf sol hie geschehen, das der verko^vffende vf sol geben in des lehenherren hant, vnd sol der ko^vffende dannan enphahen^m) vnd sol dem herren ain viertalⁿ⁾ lantwines^o) geben. Hat aber ainer oder sú bede^p) des herren hulde niht vnd wil er dauon jeneme rehtes lehennes oder enphahennes^q) verzihen, so sol man ime oder sinem ehaftigen ammanne den wîn bieten vnd sol der ko^vf ergangen sîn, vnd swenne der ko^vffende iemer darnah mag bereden mit zwein^r) sinen husgenossen^s), so sol im jenes an sime rehte kain schade sîn. Vmbe die erben ist es alsus geschaffen, swer disses gůtes iht hat, es si man oder wip, stirbet der âne kint, den sol sîn^t) naihster vatter mage^u) erben, es si wip^v) oder man, vindet aber man der deheinen, so sol es můterhalb das na|hste^w) tůn. Wil ouch ieman des gůtes iht versetzen in pfande^x) wîs^y), der sol dar gan^z) vnd sol mit der hant dar an grîffen vnd sol es enpfandes^aa) wîs^y) in jenes gewalt^ab), der es da verpfenden wil, geben vnd sol darzů kainen herren nút ane sehen. Ein hein^ac) man oder wip, der disses gůtes hat, der^ad) sol niender darvmbe ze rehte stân wan vf der pfallentz ze sante Gallen vnd eht vor dem abte vnd sol es ouch niene mitte verliesen noch gewinnen wan mit dem rehte vnd mit der vrteilde, damit ouch Kostentzer ir aigen behaltent vnd verlierent. Wirt ouch et mere danne ain vrteilde v´ber das selb^ae) gůt gesprochen vnd belibent die hie vngesamnet^af), also das der strît^ag) hie nút mag geschaiden werden, so sol man es darvmbe niene ziehen, wan sol eht die, die vrteilde^ah) gesprochen hant, ze Kostentze^ai) senden ir reht darvmbe da zervarnde, vnd swas die wider sagent, darnach^ak) sol es der abt danne endlichen rihten. Wir veriehen ouch an disem selben brieue, das wir von dekeinem^al) mentschen, der niht semper ist noch burgerreht hat, mit swelem^am) andern reht er v´nser gotzhus an ho^eret vnd er doch ze sante Gallen seshaft ist vnd den burgern wachan hilfet vnd dem riche^an) stúre gebent^ao), dekain ansprache^ap) an in oder an sin erben sv´lent^aq) han weder an ligendem gůte in den vier crútzen vnd obnendi der berge, alse der schne schlîffet, noch an dekaineme sinem varnden gůte, swa ers habe, âne das allaine, das er sin^ar) túrste lebendes gůt ze valle geben sol. Vnd ob er des niht hat, ist er ain hagstoltz, vnd hat er varnde gůt vnd stirbet er, so sol man gelten von sinem varnden gůte^as) verwissene gúlte, die er gelten sol, vnd sol der abt sich des andern varnden gůtes vnderwinden, vnd hat er ain wip vnd stirbet er âne^at) liberben vnd lat er varnd gůt, so sol man von sinem varnden gůte gelten verwissene gúlte, die er gelten sol, vnd sol der abt danne des v´brigen varnden gůtes nemen den halben tail vnd das wip den andern tail. Vmbe^au) diser selben lúte^av) erben ist es alsus geschaffen, das kint vnd wip erbent, ob sú die hant, ob sú der entweders hant, so erbent sú ir naihsten vatters mâge, es si wip oder man, vindet man aber der enhainen, so sol es můterhalb das naihste tůn. Ist aber, das sú diser erben aller dehainen hant, so sol der abt alles ir ligendes gůt, das ze margtrehte lit, alles in sinen gewalt zúhen vnd behalten jâr^aw) vnd tag vnd sol antw|rten in der selbun vrist allen den, die von rehtem erbe dehain ansprache dar ane hant. Wir ueriehen^ax) ouch an disem brieue, swer ain semper man ist oder burgerreht hat, das den nieman i^erren^ay) sol, er muge mit sinem kinde komen ze kloster oder zer ê, swar er wil. Vnd veriehen ouch, das man dehainen^az) burger von sante^ba) Gallen weder heften noch pfenden sol^bb) an libe noch an gůte weder fúr^bc) abt noch fúr^bc) vogt, er si es denne selbe gúlte oder búrge. Vnd ze ainer gantzer vnd êwiger^bd) sta^ete aller der dinge, der wir an disem brieue veriehen haben, so geloben wir mit gůten trúwen, das wir werbende sien mit vlisse^be), das disú hantveste besta^etet vnd besigelt werde von dem rîche^bf), swenne das kumet. Vnd wir Herman der vorgenante^bg) abt ze sante Gallen geben v´nser ingesigel vnd v´nsers conuentes ingesigel an disen brief ze ewiger sta^etekait^bh) aller der dinge, die hie vor geschriben sint. Dis geschah ze sante Gallen, do man von gottes geburte^bi) was^bk) drúzehenhundert jâr, darnah in dem vier vnd drissegosten jâr, an dem naihsten maindag vor pfingsten.

Source Fulltext: Chartularium Sangallense VI, Nr. 3544, S. 185-187.