Wir Herman von gottes genaden abt des gotzhûs ze sant Gallen¹ vnd aller der conuent gemainlich des selben gotzhûs sant Benedicten orden Costenzer bistůmes veriehen vnd tu^egen kunt fúr vns vnd^a) || alle vnser nachkomen allen den, die | disen brief sehent lesent oder ho^erent lesen, das wir ansehent vnd angesehen habent sunderlich liebi vnd dankna^em dienst vnd trúwe, die vns vnd vnserm gotzhûs getân || hant vnd noch getůn mugent^b) vnser lieben burger ze sant Gallen. | Dar vmb habent wir in geben vnd geben vnd verlihen mit disem brief frilich vnd vnbetwungenlich von rehten ganzen genaden, die || wir inan tu^egen vnd getan habent dar an^c), den nutz, dem man sprichet ain vngelt von allem vailen | win, den man verschenket in der stat ze sant Gallen ald in^d) den vier crúzen², wa das ist, er sie phaf ald layie, man ald vro^vwe, ald von andren trinkigen dingen, die man bi der mass schenket vnd hingît vnd verko^vffet, vnd sol das sin der sehzehent phenning, als man den win schenket vnd^e) hingît vnd verko^vffet, vnd o^vch das ander, das man bi der mass hingit schenket vnd verko^vffet, das o^vch trinkig ist, es sie an halben massen an ganzen massen an quarten halben viertailn ald an ganzen viertailn an halben aimern ald an ganzen aimern, das sie das selb vngelt vnd den nutz des selben vngeltes súln haben înnemen vnd niessen eweklich sie vnd alle ir nachkomen von vnser gabe wegen, die wir in von genaden dar an getân habent vnd mit disem brief tu^egent vnd als es beschlossen vnd beuangen ist ze ainer ganzer wârhait vnser genaden, das es eweklichen sta^et vnd kreftig sol sin, won sie vns vnd vnserm gotzhûs in allen sachen mit ra^eten vnd mit werken beholfenlichen frúntlichen vnd nutzlichen bi gestant vnd bestanden^f) sint, vnd súllen die nútz des selben vngeltes niessen vnd haben in aller der gewonhait vnd reht als ander stette des riches, won das sie das vngelt vnd die nútz des selben vngeltes ietzent von vnsren genaden von vns enphangen hant vnd wir inen es frilichen geben vnd gelihen habent vnd fúrbas niemerme an kaines herren hant noch gunst, er sie abt ald phleger, wie der benemt ist, von lihens noch von gebens wegen komen sont noch inen notdúrftig ist noch ensol^g) notdúrftig sin. Si súln o^vch va^ehter zů dem selben vngelt setzen, die inen den selben vorbenemten burgern ze sant Gallen fu^egent vnd wolkoment. Wa^er o^vch, das der va^ehter kaine, die sie dar zů setzent, ald winschenken vnd wirt geuârlich vnd vnreht mit der vaht vnd mess ta^etint, so hât der rât gewalt ald, ob niht râtes wa^ere, vnder die danne der mertail der burger gesworn hant, die selben ze bu^essen nach ir beschaidenhait von der sach vnd vngeltes wegen, da die burger das vngelt nemen sont vnd nement. Wir abt Herman vnd der . . conuent da vorbenemt des vorgeschriben gotzhûs ze sant Gallen behaltent vns vnd vnserm gotzhûs vnd o^vch allen vnsren nachkomen, wer die sint, es sigent a^ebt ald phleger, disú nachgeschriben reht, die das vngelt niht antreffen noch ru^eren sont, vnd sint das disú reht. Dú alt vaht an dem win, scha^etzer vnd versůcher des wines, den man schenket in der stat ze sant Gallen von ko^vftem lantwin, vnd o^vch den brant vnd das zaichen, da mit man massan halb vnd gantz massan quartan halb viertail gantz viertail halb aimer vnd gantz aimer brennen vnd zaichnen sol, wa^er das wider den rehten ieman ta^eti, gegen den warten vnd phlegen wir des rehten, das vntz her wir vnd vnser gotzhûs vnd o^vch vnser vordern gehebt hant vnd hant genossen^h). Vnd das wir noch kain vnser nahkomen ald ieman an vnser stat, wie der benemt ist, wider der vorgeschriben genâd vnd sach iemer getu^egen mit worten ald mit werken an gaistlichem ald weltlichem geriht ald ân geriht, dar vmb enzihen wir vns vnd haben enzigen mit disem brief aller vrigehait, die wir ietzent gehebt vnd genossen hant ald die wir her nach gewinnent von ba^ebsten ald die vnder den sint, wie die genemt sint, von kaysern vnd von kúngen ald die vnder den sint, wie die genemt sint, vnd o^vch alles rehten alles schirmes aller helf aller gesetzt vnd aller gewonhait, die ietzent ze reht vnd ze gesetzt ald hernach ze reht vnd ze gesetzt gesetzt sint ald werdent, vnd sunderlichen des rehtes vnd der gesetztⁱ⁾, das da anuahet in latin Ius porrectum, gaistliches vnd weltliches gerihtes, da mit dú vorgeschriben genâd geswecht vnd bekrenket mo^ehti werden in kainen weg. Vnd des ze ainem sta^eten wâren vrkúnd so geben wir abt Herman vnd der . . conuent da vorbenemt des vorgeschriben gotzhus ze sant Gallen disen brief besigelten mit vnserm vnd des vorgenemten . . conuentes insigeln fúr vns vnd alle vnser nachkomen. Dirre brief ist geben ze sant Gallen in der stat an sant Thomas abent des zwelfbotten in dem jâr, do man zalt von gottes gebúrt drúzehenhundert jâr vierzig jâr vnd dar nach in dem vierden jâr.

Source Fulltext: Chartularium Sangallense VI, Nr. 3908, S. 457-458.