Ich her Berhtolt von Kúngseg¹ ritter vergihe vnd tůn kunt || allen, die disen brief an sehent lesent alder ho^erent lesen, das mich die || erbern burger der . . amman vnd die raette vnd die gemainde von sant Gallen || ganczlich vnd gar gewert vnd verrihtet hand iro gewonlichen stúr, die mir min herre der . . kaiser an sú verschaft hat ze gebenn² vf sant Martis tag den nehsten, der hin ist, der selben stúr siben vnd drissig mark silbers Kostenczer gewihtes ist, vnd dar vmb so sagen ich sú mit disem brief der selben siben vnd drissig mark ledig vnd los fúr mich vnd min erben. Vnd des ze ainem waren vrkúnd so henk ich min aigen insigel an disen brief. Der geben ist ze sant Gallen in der stat, do man zalt von gottes gebúrt drúzehenhundert jar, dar nach in dem núnden vnd drissigosten jar, an vnser vrowen abent ze der liehtmisse.

Source Fulltext: Chartularium Sangallense VI, Nr. 3704, S. 293.