Wir Ludowig von gotes gnaden Romischer keyser ze allen ziten merer dez richs enb(iete)n den wisen lúten || . . dem rat vnd . . den burgern gemainlichen ze sant Gallen vnsern lieben getrewen vnser hulde vnd alles gůt. || Wir wellen vnd haizzen iuch mit diesem brief, daz ir die vesten man Eberh. vnd Bercht. von Ku^enigsegk¹ || verrihtend vnd gewernt nu vf sant Martins tag, der schierst kumpt, iwrer gewonlichen stiwr, der ir vns ierlichen von dez richs wegen schuldig sind zegeben nahirr brief² sag, die si von vns dar vmb habent, vnd wann ir daz getan habt, so sagen wir iuch daz selb iar der selben iwrer gewonlichen stiwr, der viertzig marck sind, ledig vnd loz mit disem brief. Der geben ist ze Munichen an vritag vor Martini, nah Kristes geburt driuzehenhundert iar, dar nah in dem sehs vnd dreizzigestim iar, in dem driu vnd zwainzigestim iar vnsers richs vnd in dem niunden dez keysertumes.

Source Fulltext: Chartularium Sangallense VI, Nr. 3637, S. 243-244.