Wir Ludowig von gotes genaden Ro^emischer keiser ze allen zeiten merer des richs veriehen || offenlich mit disem brief, daz vns . . der rat vnd . . die purger gemeinlich ze sand Gallen vnser || lieb getriw^e irer gewo^enlichen stiure, der sie vns von des richs wegen nu vf den obersten, der || hin ist, schuldig waren ze geben, gentzlich vnd gar verrihtt habent vnd gewert, wan sie die Leonharden von Mu^enchen¹ vnserm schriber von vnsern wegen geantwrtt vnd geben habent, vnd sagen sie der selben irer gewo^enlichen stivre fu^er vns, vnsern lantuogt vnd allermeinclich biz vf den obersten, der nu schierst ku^emt, ledig vnd los mit disem brief, der geben ist ze Mu^enchen an eritag nach Plasij nach Cristus gebu^ertt drivtzehenhundert iare vnd in dem siben vnd viertzigstem iare, in dem dri vnd drizzigstem iare vnsers richs vnd in dem zweintzigstem des kaisertums.

Source Fulltext: Chartularium Sangallense VI, Nr. 4008, S. 533.