In gottes namen amen. Wir . . die ra^ete vnd . . die burger gemainlich der stetten von Costentz vnd von || sant Gallen veriehent offenlich an disem brief, daz wir ainmu^eteklichen mit gůtem rate vnd vorbetrahtung || durh gemainen fride vnd schirmung v´nser liben vnd v´nsers gůtes v´nser stetten vnd burger v´nser || buntnúst, dú noch vf den zwelften tag, der nu na^echste kunt, weren sol, erlengerot gestrekt vnd genúwerot habint von dem selben zwelften tag ze winhenna^ehten, der nu kunt, v´ber zwai ga^entzú jar dú na^echsten nachanander, vnd habint die búntnúst mit ananderen ernúwerot mit geswornen aiden, ananderen zeratent vnd zehelfenne vf daz vorgenant zil nach allen den stuken vnd artikeln, als an den versigelten brieuen verscriben stant, die wir vormals vmb die buntnúst ananderen versigelt habint¹. Vnd ze warem vnd offenne vrkúnde so habin wir v´nser stette insigel offenlich gehenkt an disen brief. Der geben ist ze Costentz in dem jar, do man von Cristes gebúrt zalt drúzehenhundert jar vnd darnach in dem sechs vnd vierzigosten jar, an sant Laurencien abent.

Source Fulltext: Chartularium Sangallense VI, Nr. 3992, S. 522.