In gottes namen amen. Wir . . die burgermeister die . . amman .. die schvltheissen die ra^ete vnd . . die burger gemeinlich der stetten ze Kostentz^a) ze Zv´rich^b) ze sant Gallen vnd ze Schafhvsen^c)1 tv^on kvnt mit disem brieve allen den, die in ansehent alder | ho^erent || lesen, vnd vergehen offenlich, daz wir mit gv^otem rate vnd vorbetrachtvng einhelleklich durch gemeinen frid vnd nvtz vnd o^vch durch schirme vnser burger vnd stetten liben vnd gv^otes einer frv´ntlichen getriwen geselschaft vnd bvntnvst v´ber ein komen || sin, | vnd haben vns | zv^o enander verbvnden vnd versichert mit eiden, so wir dar vmb ze den heiligen gesworn haben, enanderen getrúwelich ze raten vnd ze helfenne gegen allen den, die vns mit gewalt vnd ane recht angriffen oder schade tůnt dekeinen || weg, | wie sich daz fv^ogte, daz wir dar vmb enandern | zv^o legen raten vnd helfen svln mit gantzen triwen, als verre wir mit liben vnd mit gv^ot erzv´gen mvgen, ane alle geverde. Vnd were, daz ieman dise stette ald dekeine vnder in ald die, so noch in dise bvntnvst komen, ane recht angriffe oder schaden tete de keines weges an ir lv´ten ald an ir gv^ot, dar vmb mag vnd sol sich der . . rat der selben stat, dv´ also danne angriffen oder geschadeget ist, erkennen vmb den gebresten vf den eid, vnd wes sich danne der selbe rat ald der merer teil des rates erkennent, es si vmb hilfe ald vmb angriffen ald vmb dekeiner hande sache, so danne notdv´rftig ist, dar vmb sol vnd mag der rat der selben stat, dv´ danne geschadegot ist, die andern stette manen, vnd gegen wem ald v´ber wen dv´ manvng iedanne beschicht mit des rates gewissen botten oder brieven, v´ber den vnd v´ber die svln in die andern stette, so danne ermant sint, geraten vnd behvlfen sin in allen sachen ze gelicher wise vnd mit allem ernst, als ob der stat, dv´ gemant ist, der selbe schade oder angriff beschehe were, vnd sol dis ieglicher stat behalten sin vnd vollegan, als dike wir iemer von ieman angriffen werdent, die wile dise bvntnvst weret. Vnd sol vnder vns den vorgenanden stetten enkeine der andern diser bvntnvst vnd helfe enkeines weges ab noch vsgan weder mit worten noch mit werken noch mit dekeiner hande hindervng oder fv´rzvg, die die helfe ablegen ald gewenden mvgen dekeines weges, ane alle geverde. Were aber, daz ieman den oder dien, so zv^o dirre bvntnvst ho^erent oder noch darin koment, also angriffe oder schadegotin schirmdin oder hvlfen enthielti hvset oder hofeti essen oder trinken gebe nach dem angriff, gegen dem oder gegen den svln wir enandern getriwelich geraten vnd behvlfen sin des besten, so wir mvgen, ze gelicher wise als gen dem oder den, die den schaden danne getan hant. Ovch sin wir sament v´berein komen, were daz wir die vorgenanten stette ald vnser burger dekeiner gen dem andern sto^esse alder^d) missehellvng gewunnen, die wile dise bvntnvst weret, vmb dekeiner hande sache, dar vmb svln die nechsten zwo stette ir erbern botschaft von ir^e) ra^eten dar zv^o senden vnd sich der sache vnderwinden ze richten mit minen^f) ald mit dem rechte, vnd svln o^vch die selben stette der richtvng danne gehorsam sin bi dem eide. Aber vmb eigen vmb erbe vmb lehen vmb gv´lt vnd vmb solich sache sol vnser stetten ieglicher behalten sin ir friheit ir rechtvng ir gericht vnd ir gv^oten gewonheit mit allen dingen, als wir her komen sin vnd als iegliche stat daz vntz her gehebt vnd gebracht hat, ane alle geverde, also daz vns dise bvntnvst dar an nicht svmen noch krenken sol. Beschehe o^vch, daz man ieman besitzent wurde, so sol dv´ stat, so dv´ sache danne angat vnd rv^eret, den kosten von bv´wen vnd werken^g) dar lihen vntz vf daz zil, daz daz gesesse ein ende^h) hat, vnd swanne daz gesesse zergangen ist, so sol dv´ selbe stat, so den kosten dar gelihen hat, den stetten allen, so in dirre bvntnvst sint oder noch dar in koment, ze samen gebieten vf einen tag, vnd sol der selben stetten eniegliche drije erber man von ir ra^eten vf den tag senden, vnd svln die selben danne gemeinlich den kosten anlegen nach ieglicher stat mvgent ane alle geverde, vnd waz ie der stat vfgeleit wirt vnd zv´het ze gebenne, daz sol man dar nach inrent den nechsten zwein manoden richten vnd geben ane allen fv´rzvg ald aber den schaden dar vmb liden vnd haben, so vf sovil gv^otes gan mag, ob daz selbe gv^ot an schaden vsgenomen ist. Es ist o^vch beret, waz kriegen sto^essen oder missehellvng wir ald vnser stette vnd burger mit ieman gehebt haben vormals vnd her gebracht haben in dise bvntnvst, daz wir dar vmb enandern nichtes gebvnden sin ze helfenne, wir tv^egen es danne gerne. Waz aber sto^esse missehellvng ald kriegen dekein stat, so in dirre bvntnvst ist oder noch dar in komen, von jemanⁱ⁾ angat, die wile dise bvntnvst weret, da svln wir enandern ernstlich behvlfen sin, als vorgeschriben stat, ovch nach dem zil, so dv´ bv´ntnvst vs kvmt, vntz daz der krieg oder die sto^esse versv^ennet vnd gerichtet werdent, ane^k) geverde. Were o^vch, daz ieman disen stetten, so in dirre bvntnvst sint oder noch dar in koment, schaden ald vigenschaft anlegen wolte nach dem zil, so dise bvntnvst vs kvmt, von der dingen wegen, so in diser bvntnvst vfgelo^vffen sint, dar vmb svln wir enandern mit gantzen triwen ernstlich zv^o legen vnd behufen^l) sin bi dem eide als lange, vntz daz dv´ stat der vigentschaft vnd des schaden aller dingen entladen werde. Ovch haben wir bedingen^m), were daz wir sament ald vnser stetten dekeinen in dekeine andern bvntnvst komen wo^elten gen herren oder gen stetten, daz wir dazⁿ⁾ mit enandern ald ieglich stat svnderbar wolt^o) tv^on mvgen, vnd daz vns dise bvntnvst dar an nicht svmen noch iren sol enkeines weges ane geverde, vnd were, daz wir sament ald vnser stetten dekeine vns ienderthin also verbvnden zv^o herren ald zv^o stetten, daz svln wir tv^on diser bvntnvst vnschedelich vnd also, daz wir dis bvntnvst gegen enander stete vnd veste halten svln mit allen sachen, als sit^p) beschenen ist vnd als an disem brief geschriben ist^q), ane geverde. Wir sin o^vch sament v´ber ein komen vnd haben gedingen^r) in diser bvntnvst, were daz ieman vns die vorgenanten stette keine ald alle ald vnser burger angriffe oder^s) schadegote dekeines weges ane recht, ald ob vns den^t) selben stetten ieman angriffe ald bekv´mberte oder^u) bekranhte dekeines weges, wer der were, an vnsern rechten oder gerichten friheiden ald gv^oten gewonheiten oder vmb dienst oder vmb stv´ren ald vmb so^elich ding, daz wir fv´rbaz vnd me teten oder tv^on mv^esten danne vnser stetten dekeine getan hant vnd vntz her komen ist, vnd weihe stat alsvst angriffen wirt, wes sich danne der rat ald der merer teil des rates der selben stat, dv´ danne angriffen ist, erkennet vf den eid vmb hilfe, daz ir die andern stette helfen svln, also svln ir die andern stette behvlfen sin des besten, so si erzv´gen mvgen, ane allen fv´rzvg, wenne dv´ selbe stat^v), dv´ angriffen ist, die andern stette dar vmb ermant mit ir botten oder briefen, als dike es ze schvlden kvmb, vnd sol vns dar^w) nicht svmen noch irren enkeiner leye sache. In disen vorgeschriben dingen haben wir die von Kostentz^a), die von Zv´rich^b) vnd die von sant Gallen vsgelassen einen einwelligen . . Ro^emschen kv´ng, also daz wir den von Schafhvsen^x) gen im nicht behvlfen svln sin, wir tv^egen es danne gerne. So haben wir die von Schafhvsen^c) o^vch in disen^y) dingen vsgelassen vnsern genedigen herren den hertzogen von O^ester.^z) ald wer iê danne vnser rechter herre ist, daz wir den vorgenanten stetten, so ietzent in dirre bvntnvst sint oder noch dar in komen, gegen inen nicht behvlfen svln sin, wir tv^egen es danne gerne. Aber den burger von Kostentz^aa) ist in dirre bvntnvst^ab) vsgelassen ir herre der bischof von Kostentz^a) mit der bescheidenheit, were daz vnser herre der bischof von sin selbes oder von sines gotzhvs wegen in dekeinen stoss ald krieg vieli^ac) mit den stetten, so in dirre bvntnvst sint, mit allen oder mit dekeiner vnder in, da sint die burger von Kostentz^aa) gebvnden bi ir eiden, daz ze richtenne mit liebe vnd mit frv´ntschaft, so verre si mvgent, ane geverde, mo^echt aber daz nicht sin, so sont die burger von Kostentz^a) weder ir herren dem bischof noch den stetten entwederthalb nichtes behvlfen sin in der sache. Were o^vch, daz der selbe vnser herre der bischof gegen vns den stetten allen ald dekeiner vnder in, so ietzent in dirre verbvntnvst sint oder noch dar in koment, iemans helfer wolte sin, daz in ze schaden mo^echte komen, da sint die burger von Kostentz^a) den vorgeschribenne ir eitgenossen gebvnden zehelfenne ane fv´rzvg in allem dem rechte, als vorgeschriben stat. Es ist o^vch vmb die burger von Kostentz^aa) beret, were daz ir herre der bischof von Kostentz^a) ald sin nachkomen sú ichtes kv´mbern ald trengen wolte wider ir rechten vnd ir^ad) gv^oten gewonheit, des sich der^ae) rat ald der merer teil des rates erkandin vf den eid, so sol man in gen dem selben ir herren den^af) bischof ald sinen nachkomen geraten vnd behvlfen sin vf den eid alle die wile, so dise bvntnvst weret. Waz o^vch den burger von Kostentz^a) gegen ir herren dem bischof ald sinen nachkomen behalten vnd verschoben ist an diser bvntnvst, daz selbe sol o^vch den burgern von sant Gallen gegen ir herren dem abte vnd sinen nachkomen vnd den burger von Zv´rich^b) gegen ir fro^vwen der ebtischin² vnd gegen ir nachkomen vnd o^vch^ag) den burgern von Schafhvsen^c) gen ir herren^ah) dem abt vnd sinen nachkomen verdinget vnd behalten sin in aller der wise, als hie vor an disem brief verschoben ist. Wir haben o^vch in diser verbvntnvst^ai) gegen enander vsgelassen vnser eidgenossen, wele stat vor diser bvntnvst vnser^ak) eitgenossen ware. Fv´rbaz sol man wissen, daz wir in diser bvntnvsse vns also zv^o enandern verbvnden haben, wer daz vnser herren ald ieman^al) andere dienstlv´te stette oder vestinen, wes die weren, vns die vorgenanten stette alle ald dekein bisvnder vnder vns angriffent schadegodin ald kv´mbertin keines weges, die wile dise bvntnvst weret, ald dar nach vmb daz, daz wir vns zv^o enander verbvnden haben, weles weges daz beschehe, dar vmb svln wir enandern behvlfen sin vnverzogenlich vf den eid, alsich^am) danne der . . rat ald der merer teil des rates der stat, dv´ danne geschadegot ist, erkennet vf den eid, wanne dv´ selben stat, dv´ also geschadegot ist, die andern stette dar vmb ermanet mit ir brieven ald mit des rates botten gegen allen den, die vns also iemer angriffen oder schadegent, wer die sint^an), als verre wir erzv´gen mv´gent, vnd sol vns dar an nicht svmen noch irren, daz wir vnser herren vsgelassen haben, noch dekeiner hande sache, so ieman erdeken^ao) kan oder mag. Wir haben o^vch sament beret vnd vns selben behalten dise vorgeschriben ding vnd stvk ald ir iegliches besvnder ze enderen ze meren ze minren vnd ze besserenne, als dike wir wellen, vnd des mit enander v´ber ein komen, vnd wes wir ie also danne^ap) v´ber ein komen, die wile dise bvntnvst weret, wan dar vmb brief geben vnd versigelt mit vnser stetten insigel werdent, so svln wir enander gebvnden sin bi dem eid ze volfv^erenne, wes wir danne v´ber ein komen sin, ane^aq) geverde. Wir vergenhent o^vch offenlich an disem brief, daz wir ze den heiligen gesworn haben gelerte eide gegen enander, stete ze haben vnd ze volfv^erenne mit gv^oten triwen alles daz, so^ar) vor an disem brief geschriben stat, vnd da wider niemer ze tv^enne dekeines weges ane alle geverde. Dise vorgeschriben bvntnvst sol also weren zwischen vns den stetten, die hie vor benemet sint^as), hinnan ze sant Martis^at) tag dem nechsten, so^au) nv kvmt, vnd von dannan hin dv´ nechsten drv´ jare an vnderlas. Vnd her v´ber daz dis vorgeschriben alles veste vnd stete belibe, so haben wir die vorgenanten stette iegliche besvnder ir insigel ze vrkv´nde offenlich gehenken an disen brief. Dis geschach ze Kostentz^a) an dem nechsten samstag vor aller heiligen tag in dem jare, do man von Cristes gebv´rt zalte drv´cehen hvndert jar vnd in dem siben vnd vierzigosten jare.

Source Fulltext: Chartularium Sangallense VI, Nr. 4052, S. 566-570.