Allen den, die disen brief ansehent lesent oder ho^erent lesen, kúnden wir V^olrich von Clingen ritter ain friie vnd fro Clement geborn von Toggenburg sin êlichi hûsfro^vw vnd veriehent dez offen||lich mit disem brieue fúr vns vnd fúr vnserú nâchbenemten kint Diethelmwalther, Elsbethun vnd Adelhaiten vnd fúr alle vnser erben, daz wir noch dú selben ietzgenemten v´nserú kint noch || vnser noch der selben kind erben enhain reht habent zů ainer hofstat vff der Alten Toggenburg noch zů disem nâchgeschribenen ja^erlichem gelt, ze Batzzenhait sechs vnd drissig mutt || vnd zwai viertail kernen vnd fúnf malter habern vnd drissig schilling vnd drithalbem schilling pfenning Costentzzer múnse, ze Rikkenbach drissig mutt kernen vnd vsser aines abtes ze sant Gallen kamer zehen pfunt wachses, daz zů der selben hofstat geho^ert vnd mit der selben hofstat reht burgsa^ess ist von dem gotzhus ze sant Gallen, won als der brief bewîset vnd v^sricht, den ich dú vorgenemt fro Clement vnd dú êgenemten minú kint darumb habent, der selb brief von wort ze wort also geschriben stât:||
Es folgt der Text von Nr. 4758.||
Vnd dez alles ze ainem wâren vnd offenn vrkúnde vnd gantzzer sicherhait so haben wir die êgenemten V^olrich von Clingen vnd fro Clement geborn von Toggenburg sin êlichi hûsfro^vw vnserú insigel gehenkt an disen brief fúr vns vnd fúr die êgenemten v´nserú kint vnd fúr alle vnser vnd der selben kind erben. Dirre brief ist geben ze sant Gallen an der na^ehsten mitwûchen nâch sant Bartholomeustag dez zwelfbotten in dem jâr, do man zalt von gottes gebúrt drúzehenhundert jâr vnd darnâch in dem ain vnd sehszigosten jâre.

Source Fulltext: Chartularium Sangallense VII, Nr. 4762, S. 563-564.