Wir Cůn von gottes gnaden abt des gotzhus ze sant Gallen¹, das a^vn alles mittel zů geho^ert dem stůl ze Ro^vm, veriehent || offenlich mit disem brief, das fúr vns kam an dem tag, als dirre brief geben ist, der vest Růdolf von Roschach² vnsers gotzhus ge||trúwer dienstman vnd sprach, das er von v´ns vnd vnserm vorgenamten gotzhus ze sant Gallen ze lehen hett ainen wingarten || ist gelegen am Bůchberg³, den man nempt der Alt Rinegger, vnd sto^vsset vndan vnd obnan an wingarten haissent die Alten O^vwer vnd sint der wolerbornen herren graff Hugen vnd graff Albrehtz von Werdenberg des eltern⁴, den selben wingarten er mit allen rehten vnd mit aller zůgeho^erd fu^egen vnd in gma^ehtz wis machen wo^elt sinem lieben brůder Eglolfen von Roschach⁵ o^vch vnsers gotzhus dienstman, vnd batt v´ns ernstlich, dz wir im des o^vch gunden vnd vnsern willen vnd gunst darzů ga^ebint. Das ta^eten och wir, vnd do fůgt vnd machet der selb Růdolf von Roschach den vorgenamten wingarten mit aller zů geho^erd dem vorgenamten Eglolfen von Roschach sinem brůder mit vnser hand geta^vt gůten willen gunst vnd verhengde ze ainem rehten gema^echt vnd in rehtz gema^echtes wise^a) mit disem brief. Vnd ist dz beschehen vnd vollfu^ert redlich vnd reht na^vh vnsers^b) gewonhait vnd reht, als es krafft vnd maht haben sol vnd mag nû vnd och hie nah. Vnd ze ainem waren offenn vrkúnd haben wir abt Cůn da obgenamt vnser insigel offenlich gehenkt an disen brief. Ich Růdolf von Roschach da vorgenamt vergich offenlich mit disem brief, das alles das war ist, das der hohwirdig fúrst Cůn von gottes gnaden abt des vorgenamten gotzhus ze sant Gallen da obgenamt min gna^ediger herre von mir an disem brief veriehen hat, vnd ze merer sicherhait der selben dinge han ich o^vch min aigen insigel offenlich gehenkt an disen brief. Der geben ist an dem na^ehsten samstag vor vnser frowen tag ze der liehtmiss in dem jar, do man zalt von Cristi gebúrt drúzehenhundert jar, ahtzig jarvnd sehs jar.

Source Fulltext: Chartularium Sangallense X, Nr. 6126, S. 317.