Allen^a) den, die disen brief an sehent oder ho^erent lesen, kúnden ich Cůnrat von Sal der || schultheis ze Winterthur¹ vnd ich Walther von Gachnang her Walthers seligen sun || von Gachnang² ritters vnd vergechen offenlich an disem brief fúr v´ns vnd v´nser erben, || das v´ns der erber Růdolf von Edatswille schultheis ze Wil³ betzalt vnd gewert hat von v´nsers gnedigen herren wegen abt Cůnen des gotzhus ze sant Gallen⁴ von der lúte vnd gu^eter wegen, die v´ns von Albrecht seligen von Lindenberg⁵ v´nserm lieben o^ehein anerstorben sint ze Nidernbúrren⁶ vnd ze Mutwil⁷ alder wa sy gesessen sint, zwey hundert vnd zwentzig phunt gůter alter haller von des ko^vffes wegen, als wir die selben lúte vnd gu^eter verko^vffet haben. Vnd dar vmb so sagen wir fúr v´ns vnd alle v´nser erben den obgenanten v´nsern heren den apte die selben lúte vnd gu^eter vnd ir angúlten vnd búrgen ledig vnd los der obgenanten zwey hundert vnd zwentzig phunden hallern, vnd sont alle quid brief vntz an disen brief tod vnd ab sin. Vnd des ze warem vrkúnde so hat v´nser ietweder sin eigen insigel fúr sich vnd alle sin erben offenlich gehenket an disen brief. Der geben ist ze Winterthur an der nechsten mitwuchen vor dem palmtag nach gots gebúrt drutzehenhundert acht vnd achtzig jaren.

Source Fulltext: Chartularium Sangallense X, Nr. 6253, S. 485-486.