In^a) nomine domini amen. Per hoc presens publicum instrumentum cunctis ipsum intuentibus pateat evidenter, quod sub anno a nativitate eiusdem millesimo CCC^mo LXXX^mo octavo, || indictione undecima, pontificatus sanctissimi in Christo patris et domini domini Vrbani digna dei providentia pape sexti anno decimo, mensis februarii, die vicesima sexta, || hora mane ante pulsum primarum in civitate Constan(tiensi) et ibidem in curia habitationis discretorum Petri et Johannis dictorum Schanfiggen civium Constan(tiensium) || in testium et mei notarii publici subscriptorum presentia personaliter constitutis discretis Růdolfo de Ebersperg¹ armigero Const(antiensis) dyocesis ex una et Conrado dicto Burg notario curie Constan(tiensis) procuratore ut asseruit venerabilis patris et domini domini Cůnonis abbatis monasterii sancti Galli² ordinis sancti Benedicti sedi apostolice inmediate subiecti et domini Johannis Coci rectoris parrochialis ecclesie in Wasserburg³ dicte Const(antiensis) dyocesis ex altera. Ipse Růdolfus armiger proposuit, quod lites cause actiones questiones et contraversie hactenus hie in partibus et etiam in palatio apostolico inter eosdem dominos Cůnonem abbatem et Johannem Coci rectorem ex una et nobilem virum dominum Hainricum comitem de Monteforti dominum in Tettnang⁴ et discretum dominum Johannem dictum Vngemůt presbiterum dicte dyocesis ac ipsum Růdolfum armigerum ex altera tam super ipsa parrochiali ecclesia Wasserburg quam iurepatronatus eiusdem et eorum occasione verse essent et verterentur et modo penderent coram venerabili patre domino Petro de Florentia⁵ decretorum doctore domini||
nostri pape cappellano et ipsius sacri palatii apostolici causarum et cause ac partibus predictis ab eodem domino nostro papa auditore specialiter deputato, quodque ipse Růdolfus proponens nunc per sapientes et peritos informatus foret, quod sibi nullum ius in premissis et ad ea competeret, et obinde volens ut dicebat suam conscientiam exonerare etiam sua conscientia eum ad hoc artante coram me notario publico et testibus subscriptis recongnovit publice et presentibus recongnoscit pure et simpliciter etiam spontanea voluntate sibi nullum ius in premissis seu ad ea competiisse aut competere atque nolens contra conscientiam ulterius litigare et prefatos dominos abbatem et Johannem Coci rectorem indebite laboribus et expensis vexare, huiusmodi litibus causis actionibus questionibus et contraversiis et omni iuri, si quod sibi in premissis et ad ea hactenus competiit aut competere potuit vel competere poterit modo quovis, ac etiam omni iuri impetitioni et requisitioni sibi in premissis et ad ea quovismodo competentibus, in quantum in eo fuit et est, cessit et eisdem penitus renuntiavit et presentibus cedit et renuntiat. Et ut premissa omnia et singula suum debitum sortiantur et sortiri valeant effectum, ipse Růdolfus armiger modo et forma melioribus quibus potuit efficatioribus fecit constituit et ordinavit ac presentibus facit constituit et ordinavit honorabiles et peritos viros magistros Jacobum Sto^eben, Doynum de Remis⁶, Johannem Sto^vffer, Johannem de Sengen⁷ et Bernhardum de Pysis⁸ in Romana curia procuratores absentes tamquam presentes suos veros et legitimos procuratores et nuntios speciales insolidum, ita quod non sit melior conditio occupantis nec deterior subsequentis, sed ut quidquid unus eorum inceperit, alter et quilibet ipsorum licite prosequi valeat et finire ipsius constituentis nomine et pro eo ad prosequendum et recongnoscendum omnia et singula et ad cedendum et renuntiandum huiusmodi litibus causis actionibus questionibus et contraversiis etiam in Romana curia et coram domino auditore predicto et aliis iudicibus et auditoribus sacri palatii apostolici quibuscumque alium et alios procuratorem et procuratores ad premissa omnia et singula ad substituendum et eosdem revocandum omniaque et singula alia faciendum gerendum et exercendum, que in premissis et circa ea necessaria fuerint vel quomodolibet oportuna, quandocumque etiam mandatum exigant speciale et premissis maiora et graviora existant et que ipsemet constituens facere posset, si personaliter interesset, ratumque et gratum se habiturus promisit ipse constituens michi notario publico subscripto vice et nomine omnium, quorum interest, legitime stipulanti totum et quidquid per dictos suos procuratores constitutos et ab eis vel eorum aliquo substitutum et substitutos actum gestum sive ordinatum fuerit in premissis, et ut de premissis unum et plura publicum et publica conficerem instrumentum et instrumenta tam ipse Růdolfus armiger quam prefatus Conradus Burg nomine quo supra me notarium publicum subscriptum requisiverunt. Acta sunt hec anno domini indictione pontificatu mense die hora et loco prescriptis presentibus honorabilibus et discretis dominis Burkardo de Hewen preposito ecclesie Constan(tiensis)⁹ et Hainrico de Enslingen¹⁰ prebendario altaris gloriose virginis Marie apud sepulchrum dominicum dicte ecclesie Const(antiensis) siti neenon Petro et Johanne dictis Schanfiggen civibus Constan(tientibus) supradictis testibus ad premissa vocatis pariter et rogatis. R.||
(ST) Et ego V^olricus dictus Ma^erk de Stain¹¹ publicus imperiali auctoritate et curie Constantiensis supradicte notarius iuratus, quia propositioni recognitioni cessioni renuntiationi et constitutioni procuratorie predictis omnibusque aliis et singulis premissis dum ut premittitur tempore et loco prescriptis agerentur et fierent, presens una cum prenominatis testibus interfui eaque sic fieri vidi et audivi et ut predicitur stipulatus fui, ideirco presens instrumentum exinde confectum, quod aliis oecupatus negotiis per alium scribi feci, me hic manu propria subscribendo et signum meum solitum et consuetum apponendo publicavi seu in hanc publicam formam redegi in testimonium omnium premissorum ut prescriptum est requisitus.

Source Fulltext: Chartularium Sangallense X, Nr. 6248, S. 476-478.