Allen dien, die disen gegenwurtigen brief iemer an gesehent alder ho^erent lesen, kund ich Flori der || marschalch von Mainbrehtzhouen¹, das ich mich fur mich selbe vnd fur min erben gebunden han, dem || erwirdigen minem herren abt Hainrichen² von gottes genaden des gotteshuses ze sant Gallen vnd II sinen nah komenen in des selben gotteshuses namen das pfant, das ich von im han, das hie nah geschriben stat, vierzeg scheffel kernen sant Galler messes vs dem hof ze Tuffenbach³ vnd zwainzig scheffel kernen des selben messes vnd ain pfunt pfenning Costenzer muns vs dem hof ze Berg⁴ vnd funf pfunt pfenning der selben muns von der abtaige cinsen in Gaiserwalde⁵ wider ze geben ze lo^esen an alle Widerrede vnd alli furzug, swenne er||
alder sin nah komen es vorderet vnd mich ermanot, mit zehenen vnd hundert marchen silbers Costenzer geweges, vmb die es mir versezet ist von im. Vnd das dis war sige vnd stet belibe, dar vmbe so gib ich dem vor genemten minem herren disen brief besigelt mit minem insigel ze ainem waren vrkunde dierre dinge. Dise brief wart geschriben vnd gegeben ze sant Gallen in dem jar, do man zalt uon gottes geburte druzehenhundert vnd vierzehen iar, an dem andern mentag in dem merzen.

Source Fulltext: Chartularium Sangallense V, Nr. 2878, S. 251.