Wir^a) Cůn von gottes gnaden abt des gotzhus ze sant Gallen², dz an alles mittel zů geh||o^ert dem stůl ze Rom, veriehen, dz fur vns kam der beschaiden Cůnrat Waibel von Ra^emsperg³ || mit Ma^ehthilten siner elichen wirtinnen vnd spra^vchen, wie dz si ko^vft habint vsser der Rúti⁴ vnder Ha^em||menstaig⁵ gelegen ain mutt kernen ja^erlichs vnd ewigs geltes gůtes vnd vngevarliches Wiler⁶ messes. Vnd wa^er aber dz selb gůt genant vff der Rúti, als vorgeschriben sta^vt, lehen gwesen von dem fromen Růdolf Spitzen saligen, von dem och die lehenschaft an vnser gotzhus genallen wa^er. Vnd ba^vttent v´ns ernstlich, dz wir inen genad ta^etin vnd den vorgenempten mut kernen geltz ab vnd vsser dem vorgenempten gůt och lihint ze lehen in baiden vnd iren elichen liberben, die si bi enander hettin oder noch gewunnen, knaben vnd tohtran gelich. Darvmb erhorten wir do gna^edeclich ir bett vnd habent dem vorgenempten Cůnrat Waibel von Ra^emsperg, Ma^ehthilten siner elichen wirtinnen vnd allen iren elichen liberben, die si ietz bi enander hand oder noch bi enander gewúinnen, knaban vnd tohtran gelich, gelihen ze lehen lihint in och mit vrkúnd dis briefs, wz wir inen durch reht lihen sollent, v´ns vnd v´nserm vorgenempten gotzhus an allen vnsern rehten vnd gewonhaiten gantzlich vnscha^edlich. Vnd ist dis beschehen vnd redlich volfu^ert, als es billich kraft vnd maht haben sol vnd mag ietz vnd hienach. Vnd des ze vrkúnd habent wir vnser insigel offenlich gehenkt an disen brief. Geben an dem nehsten zinstag nach sant Jacobs tag in dem jar, do man zalt von Cristi gebúrt tusent druhundert ahzig vnd sehs jar.

Source Fulltext: Chartularium Sangallense X, Nr. 6150, S. 343.