Wir^a) Cůn von gottes gnaden abt vnd der convent gemainlich des gotzhus ze sant Gallen¹ sant Benedicten ordens in Costentzer bistum gelegen, das a^vn alles mittel zů geho^ert dem stůl ze Ro^vm, veriehent offenlich mit vrkúnd diz brieues, alz v´ns || der edel hoherborne graff Hainrich von Montfort herre ze Tettnang² die kylchen ze Wasserburg³ an vnsern tisch von dem babst incorperiert geschaffot hat, daz wir darvmb dem selben graff Hainrichen vnd sinen erben, ob er enwa^er, schuldig^b) || sint ffúnfzehenhundert guldin gůter an dem gold vnd swa^er an der gewiht, won aber wir im die selben guldin ietz inhendes nút ze gebenn habent, so ha^vnd wir ainhellklich mit gůter zittlicher vorbetrahtung fúr vns vnd vnser nahkomen dem selben graff Hainrichen || vnd sinen erben die frúht vnd nútz der kylchen ze Wasserburg, die v´ns vnd v´nserm vorgeschrîbnen gotzhus zů geho^ert vnd an vnsern tisch gefu^egt vnd incorperiert ist, versetzt vnd versetzzent inen mit vrkúnd diz brieues die selben nútz ze ainem rehten redlichen gewerten vnd werenden pfände vnd in rehtz pfandes wise fúr die obgeschribnen ffúnfzehenhundert guldin mit solicher beschaidenhait dingde vnd gedingde vnd in dem rehten, alz von stuk ze stukk hie nah an disem brief geschriben sta^vt. Item des ersten, das si aller ja^erlich die selben nútz innemen haben vnd niessen sont, alle die wil vnd die selben frúht vnd nútz dennoht von in mit den vorgeschribnen guldin nút erlo^est noch erledgot sint, a^vn alles abschlahen vnd abniessen der selben nútz. Item der selb graff Hainrich vnd sin erben sont o^vch, alle die wil vnd die selb pfandung in iro hand sta^vt, von den frúhten vnd nútzzen derselben kylchen ze Wasserburg a^vn vnsern vnd vnserr nahkomen vnd an vnsers gotzhus schaden ga^entzlich dem bistum vnd ainem bischoff ze Costentz ja^erlich an verziehen vff sant Martis tag des haligen bischoffs weren geben vnd vssrihten zwaintzig pfund haller, die man dem bistum vnd ainem bischoff ze Costentz fúr die quart der vorgeschribnen kylchen ze Wasserburg ja^erlich geben vnd vsrihten sol. Item der selb graff Hainrich vnd sin erben, ob er enwa^er, sond och ba^ebst vnd bischoff stúran vnd subsidia, als dik das ze schulden kumpt, vnd o^vch consolationes vnd a^ellú bischofflichú reht ainem bischoff oder ainem archidyacon ja^erlich geben vnd vssrihten, alle die wil die vorgeschribnen nútz von im oder sinen erben nút erlo^est sint. Item ez sol o^vch ainem lúpriester, den wir oder vnser nahkomen dahin gen Wasserburg setzzent, daselbs ze Wasserburg von den obgeschribnen nútzzen ze pfrůnd vor vs werden a^vn alle minnrung zwaintzig malter baider korn gelich Lindower⁴ messes, item zwai fůder wins des selben messes, item die widern vnd der widmen nútz opfer vnd sêlgera^et daran vnd an disen obgeschribnen stukken vnd nútzzen der egenampt graff Hainrich vnd sin erben den selben lútpriester nút sumen ierren noch bekrenken sont in dehain wis a^vn geuerd, den selben lúpriester der egenempt graff Hainrich vnd sin erben, ob er enwa^er, getrúlich schirmen vnd von vnsers gotzhus wegen handhaben sont. Item ez sol och der selb lúpriester ze Wasserburg die selben pfrůnd an win vnd an korn in nemen, an weihen stetten er wil, vnd sond in graff Hainrich noch sin erben, ob er enwa^er, daran nút sumen ierren noch das in dehain wîs widersprechen. Item der selb lúpriester sol o^vch von siner pfrůnd bannales ainem bischoff ze Costentz oder ainem archidyacon weron vnd gantzlichen vsrihten. Item wir vnd vnser nahkomen habent o^vch gewalt vnd gůt reht, die vorgeschribnen nútz ze lo^esenn von dem vorgenampten graff Hainrichen oder von sinen erben, ob er enwa^er, wenn vnd weles jares wir wellent, doch also vor sant Johans tag des To^vffers ze sunnwenden mit dem nûtz vnd darnach a^vn den nútz, vnd sont denn dannenhin die vorgeschribnen nútz der dik genampten kylchen ze Wasserburg v´ns vnsern nahkomen vnd vnserm vorgeschribnen gotzhus ze sant Gallen von dem selben graff Hainrichen vnd von sinen erben gantzlich ledig vnd lo^vs sin. Wa^er aber, das v´ns vnsern nahkomen oder vnser gewússen bottschafft der egenempt graff Hainrich oder sin erben, ob er enwa^er, die losung verzugint vnd die vorgeschribnen guldin von v´ns nút enpfiengin oder in dem land nút enwa^erint, so mugent wir die vorgeschribnen guldin legen gen Costentz in die múntz gen sant Gallen in die múntz oder gen Lindo^vw in die múntz zů des selben graff Hainrichs oder siner erben handen, ob er enwa^er, vnd sont denn da mit v´ns vnsern nahkomen vnd vnserm vorgeschribnen gotzhus ze sant Gallen die selben nútz der vorgeschribnen kylchen ze Wasserburg von dem selben graff Hainrichen vnd sinen erben gantzlich ledig vnd lo^vs sin. Item es ist o^vch me ze wissent, wenn vnd weles jares wir oder vnser nahkomen die losung also tůn wellent, der selben losung sol v´ns der egenempt graff Hainrich vnd sin erben, ob er enwa^er, gestatten mit vsgenomnen gedingden, das der selb graff Hainrich vnd sin erben, ob er enwa^er, die vorgeschribnen zwaintzig pfund haller fúr die quart vnd o^vch all ba^ebst vnd bischoff stúran vnd subsidia, alz dik das ze schulden kumpt, vnd och consolationes vnd a^ellú bischofflichú reht von der dikgenempten kylchen ze Wasserburg dem bistum vnd ainem bischoff ze Costentz oder ainem archidyacon ja^erlich vsgeriht habint, alz vil vnd als vo^ellklich, das die dik genampt kylch ze Wasserburg darvmb vnd von des wegen darnach nút angriffen noch bekúmbert werdi weder mit gaistlichem noch mit weltlichem geriht, vnd das si damit von deswegen in dehain wis nút hafft gebunden noch v´berladen si, vnd sol v´ns darvmb der selb graff Hainrich oder sin erben, ob er enwa^er, quitt brief vnd vrkúnd von ainem bischoff ze Costentz ald von dem, dem denn die selben nútz versetzt sint vnd zůgeho^errent, zo^egen vnd v´ns geben ga^entzlich a^vn allen schaden, der dauon v´ns vnsren nahkomen vnd vnserm vorgeschribnen gotzhus ze sant Gallen vff sta^vn vnd komen mo^eht in dehainen weg. Item der selb graff Hainrich vnd sin erben, ob er enist, sond och die selben kylchen ze Wasserburg vnd die nútz, die darzů geho^errent, inen getrúlich lassen beuolhen sin vnd die schirmen na^vh iren eren bi gůten trúwen vnd sont das pfand haben nah pfandes reht. Vnd des alles ze ainem offnen vnd waren vrkúnd habent wir vnser vnd des cappittels insigel offenlich gehenkt an disen brief. Der geben ist an sant Andres tag des haligen zwelfbotten in dem jar, do man zalt von Cristi gebúrt tusent drúhundert ahtzig vnd aht jar.

Source Fulltext: Chartularium Sangallense X, Nr. 6294, S. 539-540.