In^a) nomine domini amen. Per hoc presens publicum instrumentum cunctis ipsum intuentibus pateat evidenter, quod sub anno a nativitate eiusdem millesimo trecentesimo || octuagesimo octavo, indictione undecima, pontificatus sanctissimi in Christo patris et domini domini Vrbani digna dei providentia pape sexti anno decimo, || mensis februarii, die vicesima sexta, hora mane ante pulsum primarum in civitate Constan(tiensi) et ibidem in curia habitationis discretorum Petri et || Johannis dictorum Schanfiggen civium Constan(tiensium) in testium et mei notarii publici subscriptorum presentia personaliter constitutis discretis Růdolfo de Ebersperg armigero Const(antiensis) dyocesis ex una et Conrado dicto Burg notario curie Constan(tiensis) procuratore ut asseruit venerabilis patris et domini domini Cůnonis abbatis monasterii sancti Galli ordinis sancti Benedicti sedi apostolice inmediate subiecti et domini Johannis Coci rectoris parrochialis ecclesie in Wasserburg dicte Const(antiensis) dyocesis ex altera. Ipse Růdolfus armiger proposuit, quod lites cause actiones questiones et contraversie hactenus hie in partibus et etiam in palatio apostolico inter eosdem dominos Cůnonem abbatem et Johannem Coci rectorem ex una et nobilem virum dominum Hainricum comitem de Monteforti dominum in Tettang et discretum dominum Johannem dictum Vngemůt presbiterum dicte dyocesis ac ipsum Růdolfum armigerum ex altera tam super ipsa parrochiali ecclesia Wasserburg quam iurepatronatus eiusdem et eorum occasione verse esse et verterentur et modo penderent coram venerabili patre domino Petro de Florentia decretorum doctore domini nostri pape cappellano et ipsius sacri palatii apostolici causarum et cause ac partibus predictis ab eodem domino nostro papa auditore specialiter deputato, quodque ipse Růdolfus proponens nunc per sapientes et peritos informatus foret, quod sibi nullum ius in premissis et ad ea competeret, et obinde volens ut dicebat suam conscientiam exonerare etiam sua conscientia eum ad hoc artante coram me notario publico et testibus subscriptis recongnovit publice et presentibus recongnoscit pure et simpliciter spontanea voluntate sibi nullum ius in premissis seu ad ea competiisse aut competere atque nolens contra conscientiam ulterius litigare et prefatos dominos abbatem et Johannem Coci rectorem indebite laboribus et expensis vexare, huiusmodi litibus causis actionibus questionibus et contraversiis et omni iuri, si quod sibi in premissis et ad ea hactenus competiit aut competere potuit vel competere poterit modo quovis, ac etiam omni iuri impetitioni et requisitioni sibi in premissis et ad ea quovismodo competentibus, in quantum in eo fuit et est, cessit et eisdem penitus renuntiavit et presentibus cedit et renuntiat, atque honorabiles et peritos viros magistros Jacobum dictum Sto^eben, Doynum de Remis, Johannem Sto^vffer, Johannem de Sengen et Bernhardum de Pysis in Romana curia procuratores omnesque et singulos alios procuratores alias per eum ad huiusmodi causas tam coram me notario publico subscripto quam coram aliis notariis publicis quibuscumque seu alias qualitercumque constitutos et quoslibet ab eisdem substitutos revocavit et omnem potestatem ipsis per eum traditum ab ipsis abdicavit sustulit et ad se resumpsit et presentibus revocat abdicat et ad se resumit, et nichilominus eisdem suis procuratoribus constitutis et substitutis ab eisdem inhibuit et interdixit ac presentibus inhibet et interdicit, ne ulterius in huiusmodi causis suo nomine contra prefatos dominos abbatem et Johannem Coci rectorem procederent nee procedant seu procurent modo quovis, et ut de premissis unum et plura publicum et publica conficerem instrumentum et instrumenta tam ipse Růdolfus armiger quam prefatus Conradus Burg nomine quo supra me notarium publicum subscriptum requisiverunt. Acta sunt hec anno domini indictione pontificatu mense die hora et loco prescriptis presentibus honorabilibus et discretis dominis Burkardo de Hewen preposito ecclesie Constan(tiensis) et Hainrico de Enslingen prebendario altaris gloriose virginis Marie apud sepulchrum dominicum dicte ecclesie Const(antiensis) siti necnon Petro et Johanne dictis Schanfiggen civibus Constan(tientibus) supradictis testibus ad premissa vocatis pariter et rogatis. ||
R. (ST) Et ego V^olricus dictus Ma^erk de Stain publicus imperiali auetoritate et curie Constantiensis supradicte notarius iuratus, quia propositioni recognitioni cessioni renuntiationi revocationi et inhibitioni predictis omnibusque aliis et singulis premissis, dum ut premittitur tempore et loco prescriptis agerentur et fierent, presens unâ cum prenominatis testibus interfui eaque sic fieri vidi et audivi, idcirco presens instrumentum exinde confectum, quod aliis occupatus negotiis per alium scribi feci, me hic manu propria subscribendo et signum meum solitum et consuetum apponendo publicavi seu in hanc publicam formam redegi in testimonium omnium premissorum ut prescriptum est requisitus.

Source Fulltext: Chartularium Sangallense X, Nr. 6249, S. 478-480.