Urbanus^a) episcopus servus servorum dei venerabili^b) fratri . . episcopo Constantiensi² salutem et apostolicam benedictionem. Humilibus^c) et honestis supplicum votis illis presertim, per que monasteriorum || et piorum locorum ac religiosarum personarum commoditatibus consulitur, libenter annuimus favoremque benivolum impertimur. Exhibita siquidem nobis nuper pro parte dilectorum filiorum . . abbatis et conventus || monasterii sancti Galli³ ad Romanam ecclesiam nullo medio pertinentis ordinis sancti Benedicti et nobilium virorum Henrici comitis Montisfortis⁴ et Rudolfi de Ebersperg⁵ domicelli Constantiensis diocesis petitio conti||nebat, quod orta dudum inter abbatem et conventum ex una parte ac comitem et domicellum prefatos super eo, quod comes et domicellus communiter, abbas vero et conventus predicti ad dictum monasterium ins patronatus parrochialis ecclesie in Wasserburg⁶ predicte diocesis de iure spectare ||
asserebant ex altera materia questionis, nos causam ipsam dilecto filio magistro Petro de Florentia⁷ capellano nostro et auditori causarum palatii apostolici ad dictorum abbatis et conventus instantiam audiendam commisimus et fine debito terminandam, non obstante quod causa ipsa de sui natura ad Romanam curiam legitime devoluta et apud eam tractanda et finienda non esset, quodque subsequenter, postquam inter ipsos abbatem et conventum ac comitem et domicellum per eundem auditorem ad nonnullos actus in causa huiusmodi processum fuerat, lite huiusmodi adhuc indecisa pendente, prefati comes atque domicellus salubriter attendentes, quod ipse per se ac quandoque per aliquos familiares et subditos ipsorum eisdem abbati et conventui ac monasterio damna diversa intulerant, quibus et aliis rationabilibus causis prefati comes atque domicellus premoti ius patronatus huiusmodi, in quantum prout etiam tunc illud ad se spectare credebant, illud ad eos spectabat, tam in recompensam damnorum illatorum per eos abbati et conventui ac monasterio predictis huiusmodi quam alias etiam pro animarum suarum salute communiter imperpetuum ad id etiam dilectorum filiorum Johannis Coci per abbatem et conventum ac Johannis Vnghemut presbiterorum dicte diocesis per comitem et domicellum prefatos ad eandem ecclesiam tunc certo modo vacantem loci ordinario presentatorum, inter quos super dicta ecclesia occasione huiusmodi presentationum in eodem palatio coram auditore prefato lis dicitur indecisa pendere accedente consensu liberaliter donaverunt. Cum autem, sicut eadem petitio subiungebat, nonnulla domus et edificia ruinam minentur et certe possessiones monasterii predicti ignis incendio combusta et alias casualiter consumpta et demolita existant, que instaurationem non mediocriter sumptuosam exposcunt, ipsique abbas et conventus ac monasterium diversis debitorum oneribus etiam pregraventur ac fructus redditus et proventus dicti monasterii tum propter guerras tum propter mortalitatum pestes et alias calamitates varias, que partes illas sepius afflixerunt, adeo diminuti existant, quod abbas et conventus predicti ex illis commode sustentari non possunt, pro parte abbatis et conventus necnon comitis et domicelli prefatorum nobis fuit humiliter supplicatum, ut ad sopiendum litem huiusmodi et obviandum rancoribus ac odiis, que inter ipsos abbatem et conventum ac ipsorum comitis et domicelli heredes occasione dicti iuris patronatus forsan contingeret exoriri, predictam ecclesiam sive ad comitem et domicellum ante donationem per eos factam huiusmodi sive ad abbatem et conventum prefatos pertinuisset ius patronatus antedictum, ut prefertur, eidem monasterio imperpetuum incorporare annectere et unire de benignitate apostolica dignaremur. Nos igitur, qui de premissis certam notitiam non habemus, statum omnium premissorum habentes presentibus pro expresso ac huiusmodi supplicationibus inclinati, fraternitati tue, de qua in hiis specialem in domino fiduciam obtinemus, per apostolica scripta committimus et mandamus, quatinus, si est ita, eandem parrochialem ecclesiam, cuius triginta cum omnibus iuribus et pertinentiis suis eidem monasterio, cuius ducentarum et sexaginta marcharum argenti puri fructus redditus et proventus secundum communem extimationem valorem annuum, ut asseritur, non excedunt, auctoritate apostolica perpetuo incorpores unias et annectas, ita quod cedente vel decedente aut alias ecclesiam ipsam dimittente altero ex eisdem Johanne Coci et Johanne Vnghemut, qui in dicto lite inter eos, ut premittitur, super dicta ecclesia vertente finalem victoriam reportabit aut eandem ecclesiam assequetur, liceat eisdem abbati et conventui eiusdem ecclesie ac iurium et pertinentiarum eiusdem corporalem possessionem apprehendere et licite perpetuo retinere, episcopi Constantiensis pro tempore existentis vel cuiuslibet alterius licentia super hoc minime requisita, proviso quod congrua portio pro perpetuo vicario in ipsa ecclesia domino servituro per te de ipsius ecclesie fructibus redditibus et proventibus reservetur, de qua idem vicarius valeat congrue sustentari episcopalia iura solvere et alia sibi incumbentia onera supportare, non obstantibus, si aliqui super provisionibus sibi faciendis de huiusmodi parrochialibus ecclesiis vel aliis beneficiis ecclesiasticis in illis partibus speciales vel generales apostolice sedis vel legatorum eius litteras impetrarint, etiam si per eas ad inhibitionem reservationem et decretum vel alias quomodolibet sit processum, quasquidem litteras et processus habitos per easdem et quecunque inde secuta ad prefatam parrochialem ecclesiam volumus non extendi, sed nulluni per hoc eis quoad assecutionem ecclesiarum vel beneficiorum aliorum preiudicium generari, et quibuscunque privilegiis indulgentiis et litteris apostolicis generalibus vel specialibus, quorumcunque tenorum existant, per que presentibus non expressa vel totaliter non inserta effectus earum impediri valeat quomodolibet vel differri et de quibus quorumque totis tenoribus habenda esset in nostris litteris mentio specialis. Nos enim exnunc irritum decernimus et inane, si secus super hiis a quoquam quavis auctoritate scienter vel ignoranter contigerit attemptari. Datum Perusii XVI kl. martii, pontificatus nostri anno decimo.

Source Fulltext: Chartularium Sangallense X, Nr. 6243, S. 467-469.