Wir graf Cůnrat von Fúrstenberg¹ tu^egint kund vnd veriehint offenlich an disem brief allen den, die in an sehent || lesent ald ho^erent lesen, das v´ns dú beschaiden vrowe Anne wilunt Eberlins des Êmans elichú wirtenn, Hans, Hain||rich vnd Hans irú elichú kind von v´nser bette wegen vnd durch iro gůten willen gunnen vnd verhenget hant, || daz wir iro zehenden vf denan gu^etern, dú an disem brief gescriben stant, den zehenden vf den drin geu^etern genant der vo^egt gu^eter vnd vf dem múlgůt, vf der Bůnbergerrun gůt vnd vf dem aker halben ze der Stainmúrrun² vnd vf dem aker allen in dem Grunde³, dú gu^eter a^ellú gelegen sint ze Mogwille⁴, vnd den zehenden vf der hůb halber gelegen ze Ba^ecchingen⁵ hin verlihen habint vnd hin verlihen sont, won es v´ns als komenlich vnd fůgklich ist, mit v´nseren zehenden ze Mogwille, vnd so^ellint wir graf Cůnrat von Fúrstenberg vnd v´nser erben vnd nachkomen der vorbenemptun Annun vnd ir vorgenanden kinden vnd iro erbun von denan vorgescribenan iro zehenden ja^erklich von den zwain kernen gen drie mutt kernen vnd ain malter habern alles gůtes vnd gena^emes Wiler⁶ messes, alle die wile dú vorgenant Anne vnd irú vorgenanden kind ald iro erben v´ns gunnent vnd verhengent, die vorgenanden zehenden hin ze lihen mit v´nseren zehenden ze Mogwille, vnd wem wir ald v´nser erben oder v´nser amptlút die vorgescriben zehenden lihint, den sont wir haissen vnd an im schaffen, das er der vorgenandun Annun vnd ir vorbenemptan kinden vnd iro erbun, ob sú enwa^erint, die vorgescriben drie mutt kernen vnd ain malter habern ja^erklich gebi vnd och lobe ze geben vf sant Gallen tag ane fúrzug. Es hant och dú vorgenant Anne vnd irú vorgescriben kind vnd iro erben vollen gewalt vnd reht, wenn sú went vnd es inen fu^eget vnd komenlich ist, die vor gescriben ir zehenden selber ze in ze nemen vnd ze sa^emenen ald anderen lúten ze lihen, wem sú went, vnd sont wir vorgenander graf Cůnrat noch kain v´nser erbe noch nachkomen sú dar an enkainen weg noch in kain wîse nimmer bekúmbern bekrenken súmnen noch ierren haimlich noch offenlich. Vnd ze merer sicherhait aller vorgescribener ding henken wir obgenander graf Cůnrat v´nser insigel offenlich an disen brief. Dirr brief geben wart ze Wîl in der stat an sant Vitus tag in dem jar, do von man zalte von Cristes gebúrt drútzehenhundert jar, dar nach in dem ain vnd sehtzigosten jare.

Source Fulltext: Chartularium Sangallense VII, Nr. 4747, S. 554.