Ich^a) Hans Fryg von Stalringen¹ ain frye^b) lantriher^c) in Hego^e vnd in Madach² an mines gena^edigen herren stat gra^vf Wolframs von Nellenburg³ vergich offenlich mit disem brief, || dz ich | in dem jar vnd vff den tag, als diser brief geben ist, ze Aygeltingen⁴ an offem lantgeriht offenlich ze geriht sazz, vnd kom da fúr mich des erwirdigen gaistlichen || fúrsten Cůnen apt | ze^d) sant Gallen⁵ erberú vnd gewissú botschaft^e) vnd zo^vgt da vor offem lantgeriht ainen gůtten redlichen fryhait brief der fryhait vnd gena^vde^f), so^v der || aller durchlúhtigost fúrst vnd herre^g) Wentzlaw von gottes gena^vden^h) Ro^emscher kúng | dem vorgenantenⁱ⁾ fúrsten apt Cůnen ze^k) sant Gallen geben vnd getha^vn ha^vt, bat im den lesen vnd verho^eren, vnd stůnd der selbe fryhait brief von wort ze wort^l) also: ||
Es folgt der Text von Nr. 5743.||
Do der selbe fryhait brief also von wort ze wort aygenlich gelesen vnd verho^eret^m) ward, do battⁿ⁾ im des obgenanten fúrsten apt Cůnen von sant Gallen gewisser botte^o) mit vrtail ze eruarent, ob man dem ietzgenanten sinem herrem^p) von sant Gallen des selben fryhait briefes nit billich ain abgeschrift, das ain vidimus haisset, vnder des lantgerihtes insygel geben so^elt. Da fra^vgt ich vmb vnd ward mit rehter gemainer vrtail ertailt vnzerholen, dz man im des^q) fryhaitbriefes, so^v da gelesen vnd verho^ert^r) wa^vrd^s), des abgeschrift hie ob aygenlich^t) geschriben sta^vt, billich ain vidimus vnder ditzz lantgerihtes insygel geben so^elt. Vnd des ze vrkúnd der warhait^u) ha^vn ich der obgenant lantrihter des obgenanten lantgerihtes ze Aygeltingen^v) insygel offenlich gehenkt an disen brief. Der geben ist ze Aygeltingen nach^w) rehter vrtail, do man zalt von Cristus gebúrde drúzehen hundert jar vnd in dem sechs vnd ahtzzigosten jare, an dem na^ehsten frytag vor sant Vrbanus tag.

Source Fulltext: Chartularium Sangallense X, Nr. 6140, S. 331-332.