Allen den, die disen brieff an sehent oder ho^erent lesen, kúnd ich schwo^ester Anna von Richenstain a^eptissin ze Maggenowe¹ vnd vergich offennlich an disem brieff fúr mich vnd min nachkomen, dz schwo^ester A^elli die Bla^vrerin vnd ir swo^ester Fid v´nnser closterfrowen mit v´nnserm gunst vnd vrlo^vb geben hannd nach ir tod an v´nnser pitantzi den zehenden ze Nider Vtzwyle² vff der frowen hoff von Lúttenspurg³, der da haysset Maggenower hoff, mit allen rechten vnd gewonhaiten, so dar zů alder dar in geho^erent, also dz man iro můtter ja^vr zytt ja^erlich begange nach v´nnsers closters gewonhait. Vnd dar vmb dz dis nun vnd hie nach von mir vnd von minen nachkomen sta^ett vnd vnwanndelbar blib, so hennck ich min insigel vnd ouch der conuent sin insigel ze ainer meren sicherhait an disen brieff. Der geben ward ze Maggenow an sant Albinus tag nach der gepurt Cristi M°CCC° vnd im L° ja^vre.

Source Fulltext: Chartularium Sangallense VII, Nr. 4164, S. 88.