Hermannus^a) permissione divina abbas totusque . . conventus monasterii Fabariensis¹ ordinis sancti Benedicti Curiensis diocesis omnibus presencium inspectoribus subscriptorum || noticiam cum salute. Noverint universi et singuli presencium inspectores, quod cum reverendus in Christo pater dominus Vlricus episcopus Constanciensis², accedente ad hoc libero || et expresso consensu . . capituli ecclesie sue Constanciensis, nobis et nostro monasterio ecclesiam parrochialem in Busskilch³, sibi et sue ecclesie Constanciensi quartalem, sue Constanciensis diocesis || cum omnibus iuribus et pertinenciis suis incorporarit, unierit et applicarit, salvis tamen sibi, successoribus suis et ecclesie sue Constanciensi tam solucione primorum fructuum de ipsa ecclesia in Busskilch tantum, quocienscumque eam per mortem vel renunciacionem vicarii ipsius ecclesie vacare contingeret, sibi, successoribus suis et ecclesie sue Constanciensi de consuetudine debitorum facienda quam aliis omnibus iuribus episcopalibus et archidiaconalibus in et de dicta ecclesia Busskilch debitis et consuetis, prout hec et alia in litteris eiusdem domini Vlrici episcopi Constanciensis suo et sui . . capituli sigillis pendentibus sigillatis super eo confectis plenius continentur⁴. Nos . . abbas et . . conventus predicti pro nobis, nostro monasterio et successoribus nostris universis matura deliberacione et tractatibus debitis et consuetis prehabitis grata vicissitudine dampnis predicti domini . . episcopi et sue ecclesie precavere volentes, astrinximus et presentibus sponte et libere astringimus et obligamus nos, nostros successores et nostrum monasterium, quod quocienscumque et quandocumque ipsam ecclesiam in Busskilch vacare contingerit per cessionem vel mortem rectoris, qui nunc est, vel deinde per mortem vel renunciacionem . . vicarii cuiuscumque ipsius ecclesie, eidem domino . . episcopo, successoribus suis et ecclesie sue Constanciensi primi anni fructus eiusdem ecclesie in Busskilch tantum de consuetudine eis debitos dabimus et solvemus integraliter, apprehensa ipsius ecclesie per nos possessione corporali, et quod omnia alia iura episcopalia tam quartam quam alia ac eciam archidiaconalia hactenus debita et consueta de ipsa ecclesia in Busskilch decetero ut hactenus solvemus, dabimus et assignabimus ac ea dari, assignari et solvi de ipsa ecclesia procurabimus, ac si eadem ecclesia nondum esset incorporata, astringentes et obligantes nos, nostros successores et nostrum monasterium ad inviolabilem observacionem omnium premissorum, servatis eciam et adhibitis in premissis omnibus et singulis solempnitatibus debitis et consuetis, renunciantes insuper pro nobis, nostris successoribus et nostro monasterio universis et singulis iuris et facti remediis, quibus mediantibus contra premissa vel aliquod eorum facere possemus vel venire in toto vel in parte, subicientes nos sponte huic pene, quod si contra premissa vel aliquod eorum veniremus et faceremus, ex tunc dicta ecclesia in Busskilch et eius parrochia per . . episcopum Constanciensem vel eius locum tenentem vel . . offic(ialem) seu iudices curie Constanciensis posset interdici. Et in horum omnium testimonium sigilla nostra presentibus duximus appendenda. Datum in monasterio nostro predicto, VI. kln. iulii, anno domini millesimo trecentesimo quinquagesimo primo.

Source Fulltext: Chartularium Sangallense VII, Nr. 4222, S. 132-133.