Dilecto filio . . abbati monasterii sancti Galli¹ Constantiensis diocesis salutem etc. Dignum reputamus et congruum, ut illis se reddat sedes^a) apostolica gratiosam, quibus ad id propria virtutum merita laudabiliter suffragantur. Dudum siquidem felicis recordationis Cle(mens) papa VI predecessor noster omnes canonicatus et^b) prebendas ceteraque beneficia ecclesiastica, que promovendi per eum ad quarumcumque cathedralium ecclesiarum tunc vacancium et inantea vacaturarum regimina tempore promocionum suarum huiusmodi obtinerent, quovismodo imposterum vacatura collacioni et disposicioni sue reservans decrevit extunc irritum et inane, si secus super hiis a quoquam quavis auctoritate scienter vel ignoranter contingeret attemptari. Cum itaque postmodum canonicatus et prebenda ecclesie Constantiensis, quos dilectus filius Johannes electus Constantiensis² promocionis sue tempore per dictum predecessorem facte de ipso ad eandem tunc vacantem ecclesiam obtinebat, per huiusmodi promocionem ac lapsum temporis de consecrandis episcopis a sacris canonibus diffiniti vacaverint et vacent ad presens, nos qui omnes canonicatus et prebendas ac beneficia supradicta, que promoti per predecessorem eundem ad huiusmodi cathedralium ecclesiarum regimina tempore promocionis huiusmodi obtinebant, tunc vacantia et inantea vacatura collacioni et disposicioni nostre cum similis interposicione decreti reservavimus, volentes dilectum filium Eberhardum Mer^c) de Scaphusa³ rectorem parrochialis ecclesie in Albertsperg⁴ Patauiensis⁵ diocesis apud nos de probitatis et virtutum meritis multipliciter commendatum, pro quo etiam idem electus asserens ipsum dilectum suum nobis super hoc humiliter supplicavit^d), propterea favoribus prosequi graciosis, discretioni tue per apostolica scripta mandamus, quatenus si post diligentem examinacionem dictum Eberhardum ad hoc ydoneum esse repereris, super quo tuam conscienciam oneramus, eosdem canonicatum et prebendam, si ut premittitur vacant et tempore date presencium non sit in eis alicui specialiter ius quesitum, eidem Eberhardo cum plenitudine iuris canonici ac omnibus iuribus et pertinentiis suis auctoritate nostra conferas et assignes, inducens ipsum vel procuratorem suum eius nomine per te vel alium seu alios in corporalem possessionem canonicatus et prebende ac iurium et pertinenciarum predictorum et defendens inductum amoto ab eis quolibet illicito detentore et facient(es)^e) ipsum vel dictum procuratorem pro eo ad eandem prebendam in canonicum ipsius ecclesie Constantiensis recipi et in fratrem stallo sibi in choro et loco in capitulo ipsius ecclesie cum plenitudine iuris canonici assignatis sibique de ipsorum canonicatus et prebende fructibus redditibus proventibus iuribus et obventionibus universis integre responderi, contradictores auctoritate nostra appellatione postposita compescendo, non obstantibus quibuscumque statutis et consuetudinibus ipsius ecclesie Constantiensis contrariis iuramento confirmatione apostolica vel quacumque firmitate alia roboratis, aut si aliqui apostolica vel alia quavis auctoritate in eadem ecclesia Constantiensi in canonicos sint recepti vel ut recipiantur insistant, seu si super provisionibus sibi faciendis de canonicatibus et prebendis in dicta ecclesia Constantiensi speciales vel de beneficiis ecclesiasticis in illis partibus generales apostolice sedis vel legatorum eius litteras impetrarint, etiam si per eas ad inhibicionem reservacionem et decretum vel alias quomodolibet sit processum, quibus omnibus dictum Eberhardum in assecucione dictorum canonicatus et prebende volumus anteferri, sed nullum per hoc eis quo ad assecucionem canonicatuum et prebendarum ac beneficiorum aliorum preiudicium generari, aut si episcopo, qui est pro tempore, et dilectis filiis capitulo Constantiensi vel quibusvis aliis communiter vel divisim a dicta sit sede indultum, quod ad recepcionem vel provisionem alicuius minime teneantur et ad id compelli, aut quod interdici suspendi vel excommunicari non possint, quodque de canonicatibus et prebendis ipsius ecclesie vel aliis beneficiis ecclesiasticis ad eorum collacionem provisionem seu quamvis aliam disposicionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mencionem et qualibet alia dicte sedis indulgencia generali vel speciali, cuiuscumque tenoris existat, per quam presentibus non expressam vel totaliter non insertam effectus earum impediri valeat quomodolibet vel differri et de qua cuiusque toto tenore habenda sit in nostris litteris mencio specialis, aut si dictus Eberhardus presens non fuerit ad prestandum de observandis statutis et consuetudinibus ipsius ecclesie Constantiensis solitum iuramentum, dummodo in absencia sua per procuratorem ydoneum et, cum ad ecclesiam ipsam accesserit, corporaliter illud prestet, seu quod idem Eberhardus dictam parrochialem ecclesiam noscitur obtinere, nos enim irritum decernimus et inane, si secus super hiis a quoquam quavis auctoritate scienter vel ignoranter contingerit^f) attemptari. Dat. Auinione, III. idus novembr. anno primo.

Source Fulltext: Chartularium Sangallense VII, Nr. 4325, S. 209-211.