Allen den, die disen brief an sehent lesent oder ho^errent lesen, kúnd ich Růdolf von Lindenberg schulthaiss ze Wil¹ vnd vergih offenlich an || disem brief, das fúr mich kam ze Wil in der stat, da ich offenlich ze geriht^a), Johans Seler vnd Cůnrat Seler gebrůder vnd offenotont || da offenlich vor geriht, dz sú reht vnd redelich ze kôffenne geben hettint den gaistlichen frowen vnd dem gotzhus ze Maggenow² || ain gůt ist gelegen ze Swarzenbach³, das man nemmet der Riggiswillerr gůt, das stosset ainhalb an Hainis Snetzzers gůt vnd andrent halb ain^b) Peters Fu^egers gůt, fúr reht aygen vmb sibenzehen pfunt pfenning Costenzer núns^c), dero sú gantzlich gewert wa^erint, mit allen núzzen rehten vnd gewonhaitten vnd mit wun vnd mit waid vnd mit holtz vnd mit feld vnd mit steg vnd mit wegen, als sú das vorbenemp gůt inne hattond vnd nussent vntz vff den tag, als dirre brief geben ist. Vnd battend mich ze eruarn, wie sú das vorbenempt gůt, das iro reht aygen was, zů der vorbenempten frowen hand bra^eht^b), dz es kraft hetti nu vnd hie nach. Da ward ertaillet vor geriht mit gesamenoter vrtail, das Johans Seler vnd Cůnrat Seler das vorbenempt gůt vf ga^ebint an des vorbenempten rihters hand vnd ers inen ga^eb ze ir handen, das beschach, als vrtail gab vnd geuelt ward. Vnd enzigend sich die vorbenempten Johans Seler vnd Cůnrat Seler vor geriht fúr sú vnd fúr iro erben vnd nachkomen alles des rehten aigenschaft vnd ansprach, so sú zů dem vorgenanden gůt ie gehattond ald hie nach iemer gewinnent. Die vorgenanden Johans Seler vnd Cůnrat Seler offenotond och, das sú des vorgenanden gůtz wer sont sin fúr reht aygen vff gaistlichem vnd vff weltlichem geriht ald an reht, wa sin die vorbenempten frowen vnd das gotzhus ze Maggenow bedurfent ald sin notdúrftig sint dehainen weg. Vnd ze merer sicherhait aller vorgeschribener ding vnd bedingnust henk ich Růdolf von Lindenberg schulthaiss ze Wil min aygen insigel an disen brief, der geben wart ze Wil in der stat, an dem zinstag inen pfingsten, do von gottes gebúrt warend drúzehen hundert jar, funfzig iar, dar nach in dem sehten iar.

Source Fulltext: Chartularium Sangallense VII, Nr. 4441, S. 289.