Allen den, die disen brief ansehent lesent oder ho^erent lesen, kúnden wir Wilhelm vnd Walther von || Enne¹ frien gebrůder vnd veriehent des offenlich an disem brief fúr v´ns vnd all v´nser erben vnd || nachkomen, won der erwirdig v´nser gena^ediger herr abt Geori von gottes genâden abt des gotzhus || ze sant Gallen² von gnaden die vesti ze Grimmenstain³, die reht burgsa^ess ist von dem egenemten gotzhus, v´ns ze rehtem burgsa^ess vnd ze getrúwer hant enpfolhen hât mit allen den lúten vnd gu^etern, so dar zů geho^erent, darumb so haben wir dem egenemten abt Georien vnd sinen nachkomenn an des vorgeschribenn gotzhus stat willeklich vnd mit bedâhtem můt gesworn ieweder besunder ainen gelerten aid ze den hailigen, das wir dem egenemten abt Georien vnd sinen nachkomenn mit der vorgeschribenn vesti gen ma^enlichem getrúlich warten súllin vnd den selben abt Georien vnd all, die mit im koment vnd die er dar sendet, in die selben vesti vnd daruss lâssen súllint ze schimpf vnd zernst, wenn vnd wie dik vnd weler zît der egenemt abt Geori das vordrot vnd wil, selb oder mit sinen brieuen, ân allen fúrzug vnd wider red. Das selb súllin wir och sinen nachkomenn, ob er enwa^er, tůn vnd laisten ân all gefa^erd. Vnd darúber ze merer sicherhait der vorgeschribenen ding so henken wir die vorgenemten Wilhelm vnd Walther gebrůder fúr v´ns vnd fúr all v´nser erben vnd nachkomen v´nsrú insigel an disen brief. Der geben ist ze sant Gallen an dem na^ehsten donstag nach v´nser frowen tag ze dem ernd in dem jâr, do man zalt von gottes gebúrt drúzehenhundert jâr vnd darnach in dem ain vnd sehtzigosten jâr.

Source Fulltext: Chartularium Sangallense VII, Nr. 4731, S. 539-540.