Allen den, die disen brief an sehent oder ho^erent lesen, kúnden wir Johans || von Múnchwille¹ vnd Cůnz sin elicher sun burger ze Frowenuelt² vnd verie||hen offenlich an disem gegenw´rtigen brief, das wir mit gůter vorbetrach||tung vnd gantzem willen den erberen kneht Hansen Hansens ab der Hoffstat elicher sun, der halbe v´nser aigen was von dem libe, ledeklich geben haben dem erwirdigen herren dem apt vnd dem convent gemainlich des gotzhus ze Vischinen³ sant Benedicten orden in Costentzer bystum, vnd verzihen v´ns an disem brief aller aigenschaft vnd ansprach, so wir ald v´nser erben iemer gehaben mo^echtin weder mit gericht gaistlichem ald wetlichem^a) ald ane recht zů dem vorbenemptem Hansen. Vnd des alles ze ainem v´rkúnde so henken wir vorgenempter Johans von Múnchwille vnd Cůnz sin sun fúr v´ns vnd fúr v´nser erben v´nsrú^b) insigel an disen brief^c). Der geben wart ze Frowenuelt in der statt. Do warent von gottes gebúrt drúzehen hundert jar vnd sechzig, dar nah in dem dritten jar, an dem na^ehsten samstag vor sant Matheus tag des zwelfbotten.

Source Fulltext: Chartularium Sangallense VIII, Nr. 4898, S. 100.