Ich Peter von Torberg der hochgebornen fúrsten der hertzogen || von O^ester(rich) miner gnêdigen herren houptman vnd lantvogt ze Swaben || ze Ergêw vnd in Thurgêw¹ tůn kunt, daz min gůt wille ist, || daz der landamman vnd die lantlút ze Swytz² die dritzehen phunt vnd siben schilling phenning, die si den vorgenanten minen herren von O^ester(rich) jêrlichs zinses schuldig sint, richten vnd geben dem erbern vesten ritter hern Hansen Boklin³, als dieselben min herren von O^ester(rich) im die verschaffet hant. Wan wenn si das getůnd, so sag ich si desselben zinses von disem jare ledig vnd los. Mit vrkund ditz briefes versigelt mit minem ingesigel. Der geben ist ze Bremgarten⁴ an sant Niclaus tag, anno domini millesimo CCC^mo.LX°. quinto.

Source Fulltext: Chartularium Sangallense VIII, Nr. 5005, S. 191.