Wir Karl von gottes gnaden Ro^emischer keiser zů allen zeiten merer des rychs vnd kúng zu Beheim embieten dem erwirdigen etc. apt von santh Gallen¹ vnserm lieben fúrsten vnd seinem conuent santh Benedicten ordens vnsern anda^echtigen vnser hulde vnd alles gut. Vns ist fúrkomen, daz ir gebrechen habe an brudern vnd personen in ewerm stiffte zu santh Gallen, da von gots dienst dernider lige vnd verge, dorumb bitten vnd manen wir ewer andechtikeit, daz ir des edeln Oswaldes von Wartemberg genant von Wildenstein² sune eynen, die wir dorzu geedelt vnd gefriet haben, als vnser brieffe sagen, die wir in doruber geben haben, zu euch in ewer closter nemet vnd ym ain gewonlich pfrunde gebet. Wo ir des nicht tetet, so musten wir empfelhen vnserm lantvogt in Swaben vnd andern vnsern amptlúten vnd getrúwen, daz sye euch darzů vesticlichen hilten vnd twu^engen. Geben zu Prage am suntag nach santh Georgen tag, vnser riche in dem czwentzigisten vnd des keisertums in dem czwelfften ja^vre.

Source Fulltext: Chartularium Sangallense VIII, Nr. 5022, S. 211-212.