Wir Ru^edeger von gotz ordenung probst vnd aller der conuent dez gotzhuss ze Ittingen¹ sant Augustines ordens || in Costentzer bystum tůnt kund mit vrkúnd diss briefs allen den, die in an sehent oder ho^erent lesen, vnd veriehent || dez fúr v´ns vnd fúr v´nser nachkomen offenlich mit disem brief, daz wir mit gemainem ratt vnd mit gůter vorbe||trahtung v´nser vnd v´nsers gotzhuss nutz dez in v´nserm capittel ain helliklich v´ber ain komen sint, daz wir habin ain gnossami gemachot vnd vf genomen reht vnd redlich mit dem ersamen ga^eistlichen herren in got dem . . apt vnd mit sinem conuent vnd mit iro gotzhuss ze sant Johans² in Turtal sant Benedicten orden in Costentzer bystum vmb diss nachgenden erbern lút V^elin Isenlin von V´slingen³ vnd Ma^etzin Johansen tochter ab Berg⁴ dez vorgenanten V^elins Isenlins elich wip, also mit namen, daz der vorgenant V^eli Isenlin v´nser vnd v´nsers gotzhuss ze Ittingen sol sin vnd ist reht aygen, vnd dú vorgenant Ma^etzi sol sin vnd ist dero vorgenanten aptes vnd conuentes vnd iro gotzhuss sant Johans im Turtal o^vch reht aygen, vnd ist mit namen ze beden tailn gedingot, swas die vorgenant Ma^etzzi kind gewinnot iemer me, dú selben kint sont sin vnd sint halbú v´nser vnd v´nsers vorgenanten gotzhuss ze Ittingen, vnd der anderhalb^a) tail der selben kinde sol sin vnd ist der obgenanten aptz vnd conuentz vnd iro vorgenanten gotzhuss in Turtal, vnd ist o^vch bedenthalb gedingot glopt vnd verhaissen, swenn der vorgenant V^eli Isenli erstirbet, so sol die vorgenant Ma^etzi, ob si in v´berlept hat, vnd dez selben V^elins erben v´ns vnd v´nserm gotzhuss ze Ittingen zway phund Costentzer phenning geben fúr val tail erbe vnd fúr allú ding vnd nútz me fúro, swenn o^vch die vorgenant Ma^etzi erstorben ist, so sont die vorgenanten apt conuent vnd iro gotzhuss in Turtal von ir nach ir tod von dem vorgenanten V^elin, ob der dennoht lept, vnd von iro erben zway phunt Costentzer phenning nemen fúr val tail erbe vnd fúr allú ding vnd nitz me fúro. Vnd ist diss alles beschehen mit allen den dingen, die herzů hortont oder ho^eren soltent gar vnd ga^entzlich, ane alle geva^erd. Vnd ze ainer sicherhait vnd offen vrkúnd aller dirr vorgeschriben ding habin wir vorgen(anten) probst Ru^edger vnd der conuent dez vorgenanten gotzhuss ze Ittingen vnser probsty vnd v´nsers conuentz insigel fúr v´ns vnd fúr v´nser nachkomen vnd fúr v´nser gotzhuss offenlich gehenkt an disen brief. Der geben wart in vnserm closter in dem jar, do man zalt von Cristus gebúrt drúzehen hundert iar vnd in dem ainem vnd sybenzigosten iar, an dem na^ehsten dunstag nach sant Georien tag.

Source Fulltext: Chartularium Sangallense VIII, Nr. 5268, S. 463-464.