Allen^a) den, die disen brief an sehent lesent oder ho^errent lesen, kúnd ich V^olrich von Richenstain¹ vnd vergich dez offenlich an disem brief fúr mich fúr alle min erben || vnd nachkomen, daz ich mit gůtter vorbetrachtung durch gott vnd durch miner sel hailes willen daz kilchengelt der kilchun ze Goldach², daz mich an erstorben ist || von Johanssen sa^elgen von Stainach³ minem stúffatter vnd von frô V^edelhilttin⁴ sa^elgen siner elichen wirtenun minner můtter, alles han vf geben vnd gib mit || disem brief dem erberen phriester herr Aleixion kilchherren der vorbenempten kilchun, dú selb vorbenempt kilch ist dero von Sultzberg⁵ vnd och min vnd ist v´nser gemaind, vnd han daz getan mit der beschaidenhait vnd mit dem bedinge, alle die wile vnd der vorbenempt herr Alexius lept, er^b) sige ze Goldach oder anderschwa, daz er daz vorbenempt kilchen gelt, so mich an erstorben ist, alz vor ist beschaiden, ez sige korn oder schmaltz phenn(in)g(e) oder ander ding, genemptes oder vngenemptes gesůchtz oder vngesůchtz, haben vnd niessen sol, alle die wil vnd er lebt, vnd sont ich noch min erben den vorbenemten herrn Aleixiun an dem vorgenanten kilchengelt, alz vorbeschaiden ist, niht sumen noch ierren noch an sprechen mit gaistlichem noch mit weltlichem gericht noch a^vn gericht noch in dekainen weg, alle die wil vnd er lebt. Ez ist och berett vnd bedingot, daz ich der vorgenant V^olrich von Richenstain vnd min erben, ob ich enwa^ere, den vorgenanten herrn Alexium versprechen sont nach recht an allen den stetten, da er sin bedarf ald notdúrftig wird, alle die wil vnd er in leben ist. Vnd wenne och der vorbenempt herr Alexius ab stirbet vnd in lip nút ist, so sol daz vorgeschribenen kilchengelt, so ich im vf^c) geben han, mit allen rehten vnd zů geho^erden wider geho^eren vnd fallen an mich vorgenanten V^olrichen von Richenstain vnd an alle min erben vnd nachkomen, ob ich enwa^ere. Vnd dez alz ze ainem waren offen vrkúnd vnd gantzer sicherhait alz dez, so da vor von mir vnd minen erben geschriben statt, so han ich vorgenanter V^olrich von Richenstain min aigen insigel fúr mich vnd alle min erben gehenkt an disen brief. Der geben ist ze Arbon⁶ in der statt in dem jar, do man zalt von gottes gebúrt drúzehen hundert jar, dar nach in dem ain vnd sibencigesten jare, an sant Martis tag.

Source Fulltext: Chartularium Sangallense VIII, Nr. 5298, S. 492-493.