Testante scriptura honorare deum de nostra substancia tenemur et amicos facere de mamona iniquitatis, ut in eternis recipiamus thabernaculis, quod hac valle miserie seminauimus. Nouerint igitur tam presentes quam futuri, quod ego Vlricus dictus Drochowecz de Omlenycz de libera omnimoda mea voluntate meorum ac heredum vxoris mee legittime Jarka nuncupale beniuolencia ipsius pariter precedente medium laneum in villa dicta Suchdol, quem Matias ex nomine excolit, eundem pleno cum dominio et plena iuridictione (sic) cum censu et alia voluutate ad ipsum pertinente monasterio Altowadensi anime mee pariter piedecessorum necnon meorum successorum ob salubre remedium contuli ac in pleno condescendi perpetue possidendum sub hac forma, vt religiosi ac deuoti fratres ordinis sancti Bernhardi prius memorati monasterii Altowadensis memoriam mei atque parentum meorum horis in canonicis et suis in orationibus habeant mea de parentela animabus pro vniuersis predecessoribus ac successoribus, qui de hoc seculo migrarunt, deum omnipotentem diligencius pro omnibus suprascriptis ac deuocius exorantes. In cuius rei testimonium sigillum meum vnacum sigillo domini Henrici de Rosemberg, qui ad preces meas petitus ac rogatus fauore suo ex speciali dignatus est sigillum suum appendere pagine presenti et sigillis cum predictis sigillum Benessii dicti Maczuta de Hersslak presentibus est appensum. Datum et actum anno domini millesimo trecentesimo nonagesimo in die sanctorum martirum Ffelicis et Aucti.

Source Fulltext: PANGERL, Stift Hohenfurth (=FRA II/23, Wien 1865) S. 210-211