Johannes dei gratia archiepiscopus Pragensis apostolice sedis legatus vniuersis Christi fidelibus sacri baptismatis fonte renatis salutem in domino. Cum sit pium et salubre, pro defunctis exorare, vt hii qui cum pietate dormicionem in Christo recipiunt, deuotorum pia precum instancia a peccatorum suorurn vinculis soluerentur; cum igitur nobilium virorum dominorum Petri Jodici et Vlrici de Rosemberg corpora in monasterio Altiuadensi Cisterciensis ordinis requiescant in certis locis et capellis eiusdem monasterii, volentesque fideles populos ad dona siue munera spiritualia, qui ex pia deuotione mentium orationes pro animabus predictorurn funderent inuitare, omnibus vere penitentibus contritis et confessis, quicumque predictum ingredientes monasterium genibusque in terram positis quinque "pater noster“ et septem "aue Maria“ pro requie animarum ipsorum dominorum quacunque hora diei deuote orauerint, de omnipetentis dei misericordia. et beatorum Petri et Pauli apostolorum eius meritis et intercessione confisi quadraginta dies indulgentiarum de iniunctis eis penitenciis in domino misericorditer relaxamus. Presentium sub rostro appenso sigillo testimonio litterarum. Datum in Altouado. Anno domini millesimo trecentesimo nonagesimo quinto die nona mensis Octobris.

Source Fulltext: PANGERL, Stift Hohenfurth (=FRA II/23, Wien 1865) S. 212