Ladislaus dei gratia Hungariae Bohemiae Dalmatiae Croatiae rex Austriae dux marchioque Morariae notum facimus vniuersis, quod augmento diuini cultus intendentes deliberate et sano nostrorum procerum et fidelium accedente consilio de certa nostra scientia authoritate regia Bohemiae religioso abbati et connuentui monasterii de Altovado ordinis Cisterciensis Pragensis diocesis devotis nostris dilectis damus et concedimus licentiam facultatem et plenum consensum, emendi tot bona immobilia sive census feudalibus dumtaxat exceptis, ex quibus monasterium ipsum annuatim valorem triginta sexagenarum grossorum Pragensium census et non vltra habere possit. Quae bona postquam ab ipso abbate et conventu empta fuerint, ipsius monasterii esse decernimus, ipsique monasterio ea ex nune prout ex tunc vnimus annectimus incorporamus ac plenam et integram ecclesiasticam libertatem et immunitatem habere volumus, quemadmodum habent alia bona monasterii supradicti. Mandamus igitur vrzenikonibus et aliis officialibus tabularum regni nostri Bohemiae, ut facta emptione bonorum praedictorum, quando ab ipsis abbate et conventu vel eorum nomine requisiti fuerint, bona ipsa tabulis praefatis annotare et inscribere non omittant. Praesentium sub nostri regalis sigilli appensione testimonio literarum. Datum Budae die octava mensisAprilis anno domini millesimo quadringentesimo quinquagesimo sexto regnorum anno Hungariae sexto decimo Bohemiae vero tertio.

Source Fulltext: PANGERL, Stift Hohenfurth (=FRA II/23, Wien 1865) S. 287