Ich Margreth Albrechtenn des Grassawer selygenn tochter vnd Wilhaems zu Sumberk elychee hausfraw beken myt dem brieff, da« mich meyn lyeber prueder Geryg Grassawer erberleich enthrycht vnd beczallt hot zu rechtenn tagenn ann allen meynen schoden der czwaynezk schock, dy myer zu meinem egemelten mann versprochen sand. Es mag auch meyn lyeber prueder mir fürbas myt allem seynem guet allenm seynenm frumenn wol geschaffenn myt verseczenn verchauffenn schaffenn vnd machenn vnd auch gebenn, vem er wyll ann mein vnd aller meyner erbenn yerrung vnd hinderrung. Vnd des zu einer waysung vnd bestatung des bryeffs ich Wylhalm zu Sumberk vnd Mykolass Ssudlycze von Czyczchkrayss vnd Vlreich Babka von Trawtmanss haben angehangen vnssre ysygell an den bryeff, der gebenn vnd geschryben yst des suntagss noch der edlen junkfrawen san Margreten tage von Cristi geburd vyerczehen hundert vnd darnach in dem ssechs vnd fymffczkesten jare.

Source Fulltext: PANGERL, Stift Hohenfurth (=FRA II/23, Wien 1865) S. 288