||
Wir Ruprecht von Gots gnaden phalczgrave zu Reyn und herczog zu Beyern erkennen uns ||
uffenbar an dysem briefe umbe den aulaz, als unsir liebir gnediger herre her Karl, Romischer ||
kunig, zu allen zeiten merer des reichs und kunig zu Behemen , uff eyn seyt und unsir liebir ||
vettir Ludewig, phalczgrave zu Reyn, marggrave zu Brandenburg und herczog zu Beyern uff ||
die andir seyt, allir irre sache, zweyunge und missehellunge an uns gelaszen haben, so scheiden ||
und sprechen wir umbe die stat zu Werde, daz unsir vorgenanter herre her KarI, Romischir kunig, ||
unserm egenanten vettern, marggraven Ludiwigen und seynen brudern, die zu yme geteilt sint, ||
die selben stat zu Werde in yr gewalt schaffin und antwortin sol in allir der masze und wiis, ||
als ir anherre und ir vattire, die selben stat vormals inne gehabit hant und uff sie geerbit ||
hant, auch sol unsir vorgenanter herre der kunig schaffin mit den burgern zu Werde, daz ||
sie unserm vorgenanten vettern, marggraven Ludiwig und sin brudern, die zu ym geteilt sint, huldin, ||
swern und vorbaz gehorsam seyn in allir der masze und wiis, als sie vormals yrm anherren ||
und yrm vattir vorbunden waren. Dez zu urkund und zu eyner waren geczugnisze, ||
so geben wir unserm vorgenanten herren hern Karl, Romischem kunige, zu allen zeyten merer des ||
reychs und kunige zu Behemen , dysen brieff vorsigelt mit unsirm anhangend ingesigil, ||
der geben ist zu Nurenberg, do man zalte noch Cristi geburt druczehen hunder jare, ||
dar noch in dem funfezigestem jare an dem samsztag vor Jubilate .