||
Ich Albrecht von Crenewicz bekenne und tue kunt offenlich mit diesem briefe allen den, die yn sehent oder horent lesen, ||
das der allirdurchleugiste furste und herre, her Karl, romischir keiser zu allen zeiten merer des reichs und kunig zu Beheim, ||
meyn liebir genediger herre, mich vier hundirt und achzig schokke guter pehemischir grözzir Prager pfenninge ||
an den czweliff hundirt schokken, die er mich uff sante Jurgen tag, der nue nehest vergangen ist, bezalhet suelde ||
haben, hat gerichtet und bezalhet. Dorumb sag ich vorgenanter Albrecht, meinen egenannten herren, den keiser und alle seine ||
bürgen, die dofür gelobet haben, derselben vierhundirt und achzig schokke, der ich von den egenannten czwelifhundirt ||
schokken also beyn bezalhet, gancz und gar quyet, ledig und loze mit diesem brife. Des zu urkunde hab ich meyn ||
ingesigil zu eynem gezeugnuzze der warheit an disenselben brief gehangen, der geben ist zu Brunne nach||
Cristus geburte dreyzehenhundirt jar und dornach in dem sechzigsten iare an des heiligen Creuczes tage, als||
es funden wart .