Nos Vol(ricus) prepositus, Ch(unradus) decanus totumque capitulum Rat(isponensis) ecclesie universis presentes litteras :| inspecturis volumus esse notum, quod cum vinee nostre in Ræinhvosen, quas olim tenuit a nobis Weichsarius essent inculta per negligenciam multipliciter devastate, quod eciam pensio debita videlicet due libra den(ariorum) Rat(isponensium) de ipsis vineis haberi penitus non possent, nos reformacioni ipsarum vinearum intendentes, de communi consilio nostri capituli easdem vineas Alheidi uxori fratris judicis dicti Shærtger locavimus per manum domini Gerh. obellarii nostri pro vite sue tempore possidendam pacifice et quiete, ita quod huiusmodi vinee per bonam et diligentem culturam in melius reformentur, et quod XII solidos Ratispon(ensis) monete annis singulis exinde solvere nostro obellario nichilominus non omittat in die vel in vigilia Michahelis in omnem eventum nomine pensionis. Si vero supradicta Alh. iam dictam pecuniam dare neglexerit in termino prefixo, ex tunc ipso facto vinee prelibate nobis vacabunt libere et precise, nec maritus suus vel eciam heredes sui post dande pensionis neglectionem seu eciam post mortem sepedicte Alh., sibi aliquod ius in prefatis vineis aliquatenus vendicabunt, nisi quantum a nobis optinere (!) poterunt de gratiae speciali. In cuius rei testimonium presentes litteras dedimus sigilli nostri robore communitas. Datum et actum Ratispone anno domini Mo CCo LXXX. octavo in vigilia Martini.