Universis Christi fidelibus tam presentibus quam futuris presens scriptum intuentibus salutem in eo, qui est auctor :I salutis. Quia per momentaneos defectos mortales homines tum tempore tamquam umbram videmus preterire, sanum duximus ea, que a nobis civibus in Dingolfing racionabiliter facta sunt utilitatis causa. Notum sit igitur universis intuentibus, quod sic ordinavimus ex parte una puerorum cuiusdam civis in Dingolfing dicti quondam Chunradus Pladem, ex parte altera fratris Sibotonis, qui in eodem negocio fuit procurator hospitalis Ratispone, pro quadam curia in Holzhausen, quam prenominatus C(hunradus) dictus Pladem hospitali Ratispone pro salute anime sue legavit. Pueri ipsius Chunradi antedicti, videlicet Volricus, Maeza et Jevdda, eandem curiam prenominato hospitali sine omni impulsacione futura et presenti dimiserunt absolutam nulla iura decetero in ipsa curia habituri. Hec facta sunt mediante domino Marquardo plebano et Leupoldo dicto Locherer. Testes H. de Deispa, Vol. sacerdos, Ch. in monte, Perchtoldus, Johanes, ut hoc ratum permaneat presentem zedulam munimine nostri sigilli iussimus infirmari.