Ich Ch/vngunt, Friderichs tohter von Heresing, Gotfrids hausfr/av des Zenger, t/vn chunt allen :I den, di disen prief lesent, sehent oder h/orent lesen, daz ich mich verzigen han des hofs ze Ganhartstorf an dem sant den mein vorgenater vater vor verchauft het probst Reinmar von send Mang vnd sinem gotshause mit allem dem reht vnd ich het an demselbem hof, besuht vnd vnbesuht, p/auvelligz, vnp/avvelligz, hofsach, a'cher, holcz vnd velt, wis vnd swi iz ist genant v/ur mich selbem vnd v/ur alle mein affterchomen vnd han dem selbem probst Reimar vnd sinem gotshause ze send Mang disem pr/if gegeben ze rehtem vrch/und vnd han in gesta'tigt mit techent Martiz insigel von Altendorf, mit hern Chunrads insigel des pharrer von Persen, mit hern Hainrich insigel des Gra'uls, mit meins liben wirts insigel hern Gotfrids des Zenger di an den taiding sint gewesen mit dem zevg der vnder den insigeln sint ver selben di auch an den taiding sint gewesen der zevch ist Chvnrad der Wurganstorfer, Chvnr(ad) der Rehtzer an dem hofe ze Regenspurch, Gotfrid der Revter, der Esschenbech des vorgenanten techents chneht, her Martiz des vorgenanten probst chneht vnd ander zeuch. Vnd ist geschehen, vnd ist der pr/if gegeben nach vnsers herren gep/vrt /vber tausent iar drevhvndert iar in dem vierden iar an send Agnes tag