Wir bruder Chvnrat, von Gottes gnaden maister von dem spital miner frowen sand Kathrein an dem fuezze :I der prukke datz Regenspurch vnd vber al div gemain der bruder desselben conventes, veriehen vnd tvn chvnt allen den, die den brief ansehent oder hornt lesen, daz vns vnd vnserm spital, vnser lieber frwnt, der ersame puriger ze Reg(e)n(spurch), Rudger der A'telprvnna'r, chawft den hof datz Lauterchofen, vmb zwaivndoczzich phvnt Reg(e)n(spurger) pfenn(ing), di do gib vnd ga'b w/orn, von dem bescheiden manne, von hern Friderich von Gvtting, der in ze lehen het von dem edeln herren graf Perngern von Leonberch, der vns ouch vnd vnserm spital, denselben hof datz Lauterchofen durch sand Kathrein willen vnd von des eegenanten Frideriches pet, aigent ewichlichen. Ouch het vns der vorgenant Rudger den eegeschriben hof chauft, daz er in solt habn frivntlich vnd fridlich ze sinem leib vnd ze siner hausfrowen leib, ver Alheiden, mit der beschaidenhait swenne ir ains st/vrbe, daz vns vnd vnserm spital daz drittail auz dem hof solt ledich sin, an allen chriech vnd vnderp/vnt, vnd solt dannoch der ander leib, div zwai tail auz dem hof frwntlich vnd fridlich habn vnd besiczen vntz an sinen tot; vnd sol man vnserm spital, dieweil si den hof innehabnt, geben alle iar drizzich pfenn(ing) zv den wandelkerczzen vnd ein schaf habern zv dem pier, dieweil si den hof innehabent ir ains oder si baidiv. Daz gestvnt etelich weil, daz graf Pernger von disem ellend schiet vnd starb, dem Got gnade, darnach aber vber etelich weil sin zwen br/uder, her Wernhart vnd her Heinrich, grafen ze Leosperch, sprochen denselben hof datz Lauterchofen an, er wa'r niht ein aigen, si solten in ze rehtem lehen leihen, wan in ir lieber bruder, graf Pernger, an ir wizzen, rat vnd gvnst in hiet geaigent, des wolden si niht sta't haben, so mocht ouch ir bruder in irs aigens oder irs lehens an ir willen niht anwerden vnd dahten vnd drahtten, daz ain chlein schad pezzer wa'r, danne ein hauptschad; vnd chome so ferre, vntz daz si vns so ferre bechlagen, daz wir den hof wol mohten habn v[er]loren, vnd drahten vf ein frwntlich minne; vnd gab in der vorgenant Rudger von A'telprVnne beraites gvtes drivzehen pfvnt Reg(e)n(spurger) pfenn(ing), di do gib vnd ga'b woren, also daz si vns den vorgenant hof datz Lauterchofen aigent, daz si oder chain ir erbe oder chain ir nachome niemermer chain reht noch chain ansprache daran hieten oder nimermer gewunnen, wan daz wir in f/urbaz ewichlichen hieten f/ur ein rehtes aigen; vmb div vorgeschriben drivzehen pfvnt phenn(ing) haben wir Rudgern vnd siner haussfrowen, vern Alheiden, div beschaidenhait getan, swenne ir aintweder sterb oder niemer si daz drittail, daz vns auz demselbem hof datz Lauterchofen solt sin, angeh/ort, daz der ander leib, der dannoch lebt, sol dazselbe drittail innehaben vntz an sinen tot an allen chriech vnd widerred, vnd sol man vns dannoch gebn alle iar ein schaf haberns zv dem pier vnd drizzich pfenning Reg(e)n(spurger) zv den wandelkertzen. Daz wir daz gvt vnd den hof versprechen m/ugen, daz er vns angehor vnd vnser aigen si, swenne aber ir aintweders stirbt, desselben iarzeit sol man begen des na'hsten erigtages nach sand Michelstag mit sehsse schilling Reg(e)n(spurer) phenn(ing), als verre si gelangen mugen, vnd dieselben sehsse schilling sol man nemen vnd geben von dem vorgenanten hof. Swenne aber daz ist, daz die zwen eegenanten leib von disem ellend geschaiden sint, so sol vns der eegesc[h]riben hof datz Lauterchofen, angehoren ewichlichen; vnd schvl wir danne ewichlichen ir baider iarzeit miteinander begen mit zweleff schilling phenn(ing) des na'hsten erigtages nach sand Michels tach, als verre si gelangent ga'ntzlichen vnd gor. Daz daz also sta't vnd vnzebrochen beleib, hab wir in den brief gebn, versigeltn mit vnsers convents insigel. Des sint gezivge: Perchtold der Ericha'r, Wernher des Musscha'rs svn, Rudger, Friderich der Altelprvnna'r, her Heinrich von Ror vnd anderre frvmet la'vt ein michel tail. Daz ist geschehen, do von Christes gebvrt waren drivzehenh/vndert jar vnd in dem vierdem jar an dem svnnwentte habent.