Ich Ch/unr(at) Ha/wsner, ich Heinr(eich) der Sch/oter, vnsrer hawsfrawn vnd vnser erben veriehen offenbar an disem :I brief, daz vns vnser gnedigen herren, der spytalmaister ze Regensp/urch vnd der conuent doselben lazzen habent, ir vnd ires gotzha/us zwen weingarten ze Reynha/wsen, der ainer gehaizzen ist, der Hawsn/ar, der ander haizzet der Ger, die wir egenanten pa/wen von vnser fra/wen tag ze der l/ychtmesse, der nu schirst ch/umt, dornach zwelf gantzew iar, mit der bescheiden, daz wir j/arleich dovon in vnd irem gotzha/us geben sch/ullen drittail verrichtz weins vnd einen hengelp/uschel, an allen iren schaden vnd gepresten. Wir sch/ullen auch in geben von den vorgenanten zwain weingarten, zway tail hopfens, alz vil vnd sein doran gewechset, so geuellet vns der drittail; dorz/u sch/ullen si vns geben, die hopfstangen mit der zale, alz vil vnd wir der dorz/u bed/urffen, vnd dieselben hopfstangen nach de/w vnd der hopfe abgenomen wirt, sch/ullen wir in vnd irem gotzha/us j/arleich wider antw/urten, mit der czal an abganch. Ez ist a/uch getaydigt worden, daz wir vnser egenant herren vnsern drittail hopfens sch/ullen anpieten ze cha/uffen, dorz/u sch/ullen wir ainen nemen vnd vnser egenanten herren den andern, die vnsern drittail hopfens schatzen, vnd swie vns in vnd irem gotzha/us dieselben, vnsern drittail haizzent geben, daz sch/ullen wir st/at haben vnd den sch/ullen si vns danne bezalen mit beraitem gelt; wolten aber vnser oftgenant herren vnsers drittails nicht, so m/ugen wir in verchauffen, swem wir wellen. Wir gehaizzen auch die oben geschriben zwen weingarten ze Reynha/wsen, pa/wleich ze stellen mit aller arbait, die doz/u geh/ort, vnd auch wesenleich ligen lazzen, nach der egenanten vrist, swenne a/uch die egenanten zwelf iar, hin vnd auch vergangen sint, so haben wir, vnser hawsfrawn noch vnser erben, noch n/ymt von vnsern wegen, furbaz dehein ansprache noch voder/ung hincz den egenanten weingarten, chleine/w noch grozze/w, wanne si vnsern herren von vns ze d/urchsl/acht ledikch worden sint, an alle vnser widerred. Dor/vber ze /vrch/und vnd ze einer best/atikcheit, geben wir in vnd irem gotzha/us disen brief versigelten mit dez erberigen mannes insigel, her Herman dez St/oren, ze den zeiten rychter in er vorstat, der ez d/urch vnsrer vleizzigen pet doran gelegt hat, im an schaden, dorvnder wir vns verpinden, pei vnsern tre/wen an geu/ar allez daz ze laisten vnd ze volf/uren, daz oben verschriben ist. Daz ist geschehen nach Christes gep/urtt dreuczehenh/undert iar vnd in dem f/unfczigistem iar an sand Pa/uls tag alz er wechert wart.