Ich /Vlreich der Mair, ich /Vlreich der Sall/ar ze Pf/affelstain vnd ich P/aldel an der Schelmstrazz, :I vnser ha/wsfrawn vnd vnser erben veriehen offenleich mit disem brief, daz vns vnser gnedig herren, der spytalmaister ze Regenspurch vnd der conuent doselben lazzen habent ir vnd ires spytalz drei weingarten, der ainer gehaizzen ist daz Ryebel, den ich egenant Mair Vlr(ich) pa/w, der ander gehaizzen der Pl/um oberhalb dez wey/ar ze Pf/affelstein, den ich vorgenanter /Vlr(ich) der Sallr/ar pa/w, der dritte gehaizzen der Per, der gelegen ist an der Schelmstrazz, den ich egenanter P/aldel p/aw, von vnser frawen tag ze lychtmesse der nur schirft ch/umt vnd dornach zehen gantzew iar, mit der bescheiden, daz vnser yegleicher j/arleich von seinem weingarten, in vnd irem gotzha/ws geben schol drittail verrichcz weins vnd einen hengelp/uschel; besunderleich schol ich egenanter P/aldel, zwen einer verrichtz weins geben vora/us an allen iren schaden vnd gepresten. Wir sch/ullen auch in geben von den vorgenanten weingarten czway tail hopfens alz vil vnd sein doran gewechset, so geuellet vns der drittail, dorczu sch/ullen si vns geben die hopfstangen mit der zale alz vil wir ir dorz/u bed/urffen vnd dieselben hopfstangen nach dew vnd dere hopffe wirt abgenomen, sch/ullen wir in j/arleich wider antw/urten mit der zale an abganch. Ez ist auch getaydigt worden, daz wir vnser egenant herren vnser drittail hopfens sch/ullen anpieten ze chauffen, dorz/u sch/ullen wir ainen nemen vnd vnser herren den andern die vnser drittail hopfens schatzen, vnd swie vns dieselben, in vnsern drittail haizzent geben, daz sch/ullen wir st/at haben, vnd den sch/ullen si vns danne bezalen mit beraitem gelt; wolten aber vnser herren vnsers drittail nicht, so m/ugen wir in verch/auffen swem wir wellen. Ich der M/ukkenstainer ze Pf/affelstain, vergich auch mitsampt den oben geschriben offenbar, daz mir in ein gnedigen herren, der spytalmaister vnd der conuent dez oftgenanten spytals lazzen habent iren weingarten gehaizzen der Pl/um ze Pfaffelstain von vnser fra/wntag ze lychtmesse, der schrift ch/umt dornach zwelf gantze/w iar, mit der bescheiden, daz ich in j/arleich dovon geben schol den vierden emer verrichtz weins an allen iren schaden vnd auch einen hengelpuschel, ich gibe auch hopfen in allem rechten alz die gebent, die oben geschriben stent. Wir gehaizzen auch alle pei vnsern trewen, die egenanten weingarten pa/wleich stellen mit aller arbeit vnd auch wesenleich ligen lazzen nach de egenanten vrist, swenne auch die egenanten iar allew hin vnd vergangen sint, so haben wir, vnser hawsfrawn, vnser erben noch nymt von vnsern wegen, f/urbaz dehain ansprach noch vodr/ung hintz den egenanten weing/arten, chleinew noch grozzew, wanne si vnsern oftgenanten herren ze d/urchsl/acht von vns ledikch worden sint an alle widered. Vnd daz in daz allez st/at vnd vnzerbrochen weleibe, dorvmbe ze /vrch/und geben wir in vnd irem gotzha/us, disen brief versigelten mit dez erberigen manne her Hirman dez St/orn insigel, der ze den zeiten vnser rychter waz, vnd er sein insigel, d/urch vnsrer vleizzigen pet doran gelegen hat im an schaden, dorvnder wir vns, alz wir vor genant sein, verpinden pei vnsern an gev/ar, alles daz ze volf/uren vnd ze laisten, daz oben verschriben ist. Daz ist geschehen nach Christes gep/urtt dreuczehenh/undert iar vnd dornach in dem f/unftzigistem iar an sand Paulstag als er wechert wart.