Ich Chvnrat der Vihtaher, vergich vnd t*vn chvnt allen den, die disen brief ansehent oder h/orent :I lesen, daz ich ein ansprach het gein dem spital ze Regenspurch vmb einen weingarten, des chriges vnd derselben ansprach han ich mich verzigen vnd schol auch des ir gewer sein fvr alle min frevnt vnd swelhen schaden si des nement, den schol ich in ablegen, er sei chlein oder grozz. Daz daz also staet vnd vnzerprochen beleib, darvber gib ich in disen gawurtigen br/if, versigelt mit minem insigel; vnd dez ist zevch: her Heinrich der pfarrer von P*vlenhofen, her Nycolaus der chapplan vnd her Vlrich sein geselle, vnd her Otto von Chrondorf, vnd Seyfrit der schreiber, vnd Perhtolt der Schvler, vnd Rvger der Schvlaer. Daz ist geschen, da von Christes gepurt waren drivczenhvndert iar vnd in dem nevnten iar an dem liehtmess tag.