Wir pruder Chvnrat, der meister von dem spital miner frawen sant Katrin, an dem :I f*vzze der pruke ze Regenspurch, vnd die pruder desselben conuentes, veriehen vnd tt*vn chvnt allen den, die disen brief ansehent oder h/orent lesen, daz vnser lieber frevnt, her Perhtolt der prevmeister, durch siner sel willen vns gechauft hat vmb vierczich pfvnt Regenspurger pfennig, einen hof der ze Tolling gelegen ist, vnd derselbe hof gilt alle iar driv schaff roken vnd driv schaf habern, vnd siben schilling pfennig, vnd zwainczich cha's oder zwainczich pfennig, vier gens vnd aht hvner, mit der pescheidenheit, daz der vorgenant her Perhtolt, div gvlt inne sol nemen die weil er lebt. Nv wil avch derselbe her Perhtolt vns allev iar lazzen, ein schaf roken vnd ein schaf habern, die weil er lebt mit der beschaidenheit, daz wir alle iar an sant Jacobs tag sein iarzeit ewichlichen schvlen begen mit zwain rihten von fleische vnd mit einer semel, vnd mit iner pollen weines oder piers, vnd schvlen auch wir div iarzeit an deheinem vreitag noch an deheinem vasttag niht pegen; vnd wer daz, daz wir der iarzeit niht begiegen, aht tag vor sant Jacobs tag oder aht tag hinnach, des niht en sein schol, so schvlen wir divselben iarzeit, dezselben iares hincz alten chappel gewen, an alle widerred. Daz daz also sta't vnd vnzerbrochen beleibe, gewen wir im disen brief ze einem vrch*vnne versigelt mit vnsers conuentes insigel, vnd des ist zevch: her Heinrich der chaplan von Schvtenhofen, her Heinrich der pfarra'r von P*vlenhofen, pruder Ch(unrat) von Pilsting, pruder Ch(unrat) der chastener, pruder Heinrich von Chesching, pruder Chunrat von M*urach, pruder Heinrich von Asschach, pruder Leupolt, Seyfrit der schreiber. Daz ist geschehen da von Christes gepurt waren drivczenhvndert iar vnd in dem nevnten iar an sant Gregorien tag in der vasten .