Ich Heinrich von Otlinge vnd min havsfrawe, ver Katerei, veriechen vnd t/vn ch/vnt allen den, :I die disen br/if sehent, horent oder lesent, daz wir dem ersamen convent vnd dem gotzeha/vs ze dem spital miner frawen sant Katerein, an dem f/uzze der pr/uckke ze Regensburch, vnsern hove da cze Obertollinge, vercha/vft haben vnd einen zehenden, der in denselben hove gehort, f/ur rehttes eygen auch ze chavffen haben gegeben, mit allem dem, daz dazv gehoret, vers/ucht vnd vnvers/ucht, ze veld vnd ze holcze, wismat vnd /acker vnd allez daz in den egenant hove geh/oret. Wir haben auch gelobt, dem vorgenantten convent, daz wir dez egenantten gvtes, dez hoves, gewer svln sein, als eygens reht ist, vnd dez zehenttes gewer svln sein, als zehendtes reht ist. Ez hatt auch Albreht von Otlinge, min veter, geheizzen mit rehtten trewen, ob ich in der vrist niht enw/ar, daz er des hoves vnd des zehendttes gewer sol sin in allem reht, als ich selbe vnd vor verschriben ist, so han ich, Albreht der jvnge Schilbacze vnd Hiltwin von Chrondorf daz geheizzen, mit sampt vnserm vorgenschriben lieben fre/vnt. Daz dicze also st/at vnd vnzeprochen belieb, gescha'ch dez niht, swelhen schaden dez daz vor vorgenant gotzeha/vs nimt, den svln wir in alle vnverscheidenlichen abtvn, an allen iren schaden; darvber geb wir in disen br/if versigeltten, mit vnsern insigeln. Dez sint zevg, die ersamen la'vt, die bi den ta'ydinge gewesen sint: hern Peter, der ch/vmte/vr da cze sant Linhartten, her Heinrich von Sageringen, pruder Heinrich von dem spital, Friderich von sant Linhartten, her Ott von Chrondorf, Ruger der Æyttelprunn/ar, bruder Chvnrad, der meister von dem spital vnd br/uder Chvnrad. Daz ist geschehen ze Regensburch do man zalt von Christes geb/urt drivzehenhvnder jar in dem andern jar an vnser frawentag als si verschide.