Ego Vl(ricus) de Owe, prepositus ecclesie sancti Johannis Ratispone presentibus profiteor, quod cum :| venissent ad me magister hospitalis suique confratres domus Ratispone et Jordanus dictus Stimmer, contendentes a) de decima curie in Emchencell, tandem conmiserunt michi, ut arbitru (!) vel arbitratori seu conprimissario, et auctoritate michi concessa sic terminavi, quod dicto Jordano remanerent fructus hucusque recepti et dicti fratribus darent sibi decem solidos et quod tunc dictus Jordanus resignaret dictam decimam in manus reverendi patris et domini episcopi Eystetensis libere et absolute, ita quod nec ipse, nec sui eredes (!), nec aliquis alter sibi posset ius aliquod de predictis, scilicet curia et decima, decetero vindicare. Presentes fuerunt Heinricus Peichingær sacerdos, frater Chvnradus de N/urnberch, frater Heinricus de Chesching, Heinricus iudex dictus Schertzær, R/ugerus Ætelbrvnner, Marchardus Stimmer. In testimonium huius presens dedi scriptum mei sigilli munimine roboratum. Datum Ratispone anno domini Mo CCCo secundo, proximo die sabati post festum beati Galli.